Во два одделни напади во сојузните држави Кадуна и Кацин во северна Нигерија, загинаа 36 лица, пренесува Ројтерс врз основа на изјави на официјални лица.

Агенцијата наведува дека серијата напади на вооружените бунтовници во оваа земја продолжиле и вчера, а неколку лица биле ранети.

Напаѓачите палеле куќи и протерувале луѓе само еден ден по џихадистичкиот напад во североисточната држава Борно, кога најмалку 16 лица загинаа, а десетици беа повредени.

Минатата недела неидентификувани вооружени лица убија ученик во напад на интернат во нигериската северо-централна држава Нигер и киднапираа 42 лица, од кои 27 ученици.

Австрискиот канцелар Себастијан Курц бара од ЕУ воведување на европски пасош за вакцинација и се заканува дека доколку не биде усвоен, Австрија ќе најде начин да воспостави слобода на движење и патувања.

Израел веќе има таков пасош и, како што рече, сакаат да go воведат и некои други европски земји. Овој пасош треба повторно да овозможи нормален живот.

Во пресрет на денешниот Самит на ЕУ, Курц се стави на чело на оние кои ја поддржуваат идејата за воведување пасош за вакцинација.

„Ние сакаме да се вратиме во нормала и максимална слобода што е можно поскоро. Сè додека има пандемија и вирус, тоа е можно само ако имаме мерки за заштита, без разлика дали преку вакцинација или тестови”, истакна Курц во изјавата за новинарите.

Тој посочи дека поради тоа е потребен европски пасош за вакцинација, што ќе овозможи слободно патување, а со тоа и одмор.

Курц најави дека ќе преземе иницијатива на Самитот на ЕУ и додаде дека има многу сојузници, пред сè туристички земји како Грција, Кипар или Малта, но и балтичките држави, Шпанија, Хрватска и Словачка сакаат ваков сертификат за вакцинација. Од друга страна, Германија, Белгија и Холандија, како и Франција, не сакаат брзи одлуки во врска со тоа.

Сепак, Курц гледа шанса да постигне европски договор. Доколку тоа не се случи, Австрија, вели тој, самостојно ќе обезбеди слобода на движење и патувања.

Според него, со бројни билатерални договори, но само со оние земји што го сакаат тоа. Ќе ни треба пасош за вакцинација до летото, подвлекува Курц.

Каракас никогаш повеќе нема да се согласи на компромиси или дијалог со ЕУ, доколку Унијата не ја промени својата политика за санкции, рече претседателот на Венецуела, Николас Мадуро.

Тој потсети дека ЕУ воведе санкции против опозицијата која учествуваше на изборите, против судството и вооружените сили.

„Тие се мешаат во внатрешните работи и тогаш што очекуваат? Дека ќе им се заблагодариме што не нападнаа? Не. Баравме дијалог и беа преземени важни чекори за обновување на дијалогот. Но, на тој начин – не – или ќе ја смените позицијата, или никогаш повеќе нема да има договор и дијалог со вас господа од Европската унија. Да знаете дека Венецуела знае како да одговори на заканите, без разлика од каде доаѓаат“, Заклучи Мадуро.

Претходно, ЕУ го прошири списокот со санкции за Венецуела со високи воени претставници, членови на Националниот изборен совет и член на новиот парламент.

Новите санкции беа воведени „заради нивната улога во акциите и решенијата што ја поткопуваат демократијата и владеењето на правото во земјата, како и за сериозни повреди на човековите права“.

Како одговор, Венецуела го прогласи шефот на дипломатската мисија на ЕУ во земјата за персона нон грата и и даде 72 часа да ја напушти земјата.