Свет
Либија се заканува со напади во Медитеранот
Министерството за одбрана Либија се закани дека ќе изврши наапди врз воздушниот и поморскиот сообраќај во Средоземното Море во случај на странска воена интервенција во врска со ситуацијата во земјата, пренесува во четвртокот AFP повикувајќи се на соопштение на либиското министерство
Соопштението на либиското министерство за одбрана е издадено неколку часа пред гласањето во Советот за безбедност по нацрт-резолуцијата со којашто се повикува на воена интервенција, со исклучување на окупација, во врска со ситуацијата во Либија за заштита на цивилното население. „Секое воено вмешување во внатрешните работи на Либија од страна на странци, ќе го загрози целиот воздушен и поморски транспорт во областа на Медитеранот. Секое движење на цивилни и воени објекти ќе стане цел на контрадејствие на либиските сили. Медитеранот ќе биде изложен на загрозување не само на краток рок, туку долгорочно… “, го цитира AFP соопштението на агенцијата Министерството за одбрана. Против режимот на либискиот лидер Моамер ел-Гадафи на 27-ми февруари Советот за безбедност на ОН усвои резолуција за санкции. Со овие мерки се направи обид да се спречат убиствата на противниците на режимот на Гадафи, а тие вклучуваат ембарго за трговија со оружје со Либија, замрзнување на сметките во странство на Гадафи, членови од неговото семејство и неколку високи државни функционери, како и забрана за нив за патувања во странство. Франција и Велика Британија предложија прогласување зона за забранети летови над Либија, што беше поддржано од страна на Арапската лига. Либан, единствената арапска земја во Советот за безбедност, ја презеде иницијативата, така што таа дојде како предлог од државите во регионот. Меѓутоа, досега неодговорени прашања за тоа кој ќе го следи воздушниот простор над Либија и колку тоа генерално ќе биде корисно. Во овој случај, не е јасно кои земји ќе треба да се борат на либиска почва. Франција и Велика Британија, исто така, понудија опција којашто вклучува и воздушни напади врз воените аеродроми во Либија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.