Свет
Јапонија го зголеми нивото на опасност од нуклеарната централа
Јапонската агенција за нуклеарна безбедност го зголеми нивото на опасност од инциденти од нуклеарната централа Фукушима од четири на пет степени, изјави службеник на Агенцијата.
Јапонската агенција за нуклеарна безбедност го зголеми нивото на опасност од инциденти од нуклеарната централа Фукушима од четири на пет степени, изјави службеник на Агенцијата.
Скалата има вкупно седум степени, четвртиот степен означува дека инцидентот има локални последици, а петиот степен покажува дека евентуалната нуклеарна катастрофа во Фукушима би имала последици од поголем размер.
Од Агенцијата не сакаа да прецизираат околу подигнување на степенот за уште едно ниво.
Од другиот блок на нуклеарната централа Фукушима 1 од утрово се гледа чад додека екипите за вонредни состојби се обидуваат да ја вклучат струјата со што би се реактивирал системот за ладење на нуклеарното гориво, пренесуваат светските медиуми.
Јапонија денес официјално побара помош од САД за решавање на кризата со нуклеарната централа Фукушима 1. /крај/бета/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.