Свет
Започна вториот бран напади врз Либија
Западните сили во раните утрински часови го започнаа вториот бран напади врз Либија.
Западните сили во раните утрински часови го започнаа вториот бран напади врз Либија. Целта на нападите е либиската против воздушна одбрана и оневозможување на либиските авиони да патролираат на небото, како и да го сопрат напредувањето на силите лојални на Гадафи кон бунтовничкото упориште, градот Бенгази. Авионите на САД; Велика Британија, Италија, Франција и Канада извршија бомбардирања со образложение дека акцијата ќе продолжи де дека се отфрла прекинот на огнот кој либиската војска го објави доцна синоќа, пренесе агенцијата Ројтерс. Од британското министерство за одбрана соопштија дека нивна подморница доцна синоќа испукала ракети „томахавк“ како дел од вториот бран во примената на Резолуцијата 1973 на Обединетите нации. Во саботата и неделата навечер американски и британски воени бродови и подморници испукаа 110 „томахавк“ ракети. Од друга страна, доцна синоќа, либиски официјални лица ги прошетаа Западните новинари во резиденцијата на Гадафи во Триполи, за да го видат местото на ракетниот напад. „Тоа е варварско бомбардирање. Тоа е во спротивно со изјавите на западните сили – дека тоа не е цел на нивниот напад“, изјави портпаролот на либиската влада Муса Ибрахим. Во силна експлозија збришана е една зграда до резиденцијалниот комплекс на Гадафи во Триполи. крај/ро/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.
Свет
Полицијата уапси маж во Хемпшир: фрлил 50 мртви животни пред продавница
37-годишен маж е уапсен во Хемпшир откако повеќе од 50 мртви животни биле фрлени пред продавница.
Еден од вработените ја отворал продавницата кога наишол на „ужасна“ сцена, пренесува „Sky News“. Била повикана полиција која пред продавницата пронашла околу 50 мртви зајаци и други животни.
Полицајците на Хемпшир и вооружениот тим истражувале и откриле дека животните биле застрелани со огнено оружје. Дел од животните се заштитени со закон.
Полицијата синоќа соопшти дека тој се уште е во притвор.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски „Индекс“.
Новинар и снимател на српски „Информер“ пристигнале пред куќата на вујкото на Данка, каде што се случил помал инцидент. Пред нив излегол маж, кој се претставил како вујко на Данка, и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ „Информер“ во еден момент велат: „Удри го Рафа, удри го!“ и додаваат дека ќе биде добро за „шерот“ (удел во вкупна ТВ-гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.