Околу 20.000 Сиријци, извикувајќи слогани за слобода, маршираа денеска на погребот на деветтемина демонстранти убиени при вчерашните судири со силите за безбедност во јужниот град Дараа, пренесува Al Jazeera изјави на локални жители

Околу 20.000 Сиријци, извикувајќи слогани за слобода, маршираа денеска на погребот на деветтемина демонстранти убиени при вчерашните судири со силите за безбедност во јужниот град Дараа, пренесува Al Jazeera изјави на локални жителиОвие деветмина беа меѓу најмалку 25-те убиени вчера од силите за безбедност, тврдат локалните жители. Некои од нив тврдат дека во судирите загинале преку 100 луѓе. За сега не постои начин овие информации независно да се проверат.Очевидците велат дека многу луѓе се исчезнати во вчерашните судири, а телата на мртвите биле отстранети од улиците, додека градот бил во хаос. Безбедносните сили убиле и еден лекар, кој се обидувал да им пружи прва помош на повредените пред џамијата Омари, каде што се одвиваат протестите во изминативе неколку недели. И една болница во Дараа претходно соопшти дека биле донесени телата на 25 луѓе кои загинале вчера и сите имале огнострелни рани на телата.Ситуацијата во Дараа и натаму е тензична, со огромно присуство на полицијата на улиците. Продемократските опозициски групи повика на нови, уште поголеми демонстрации утре. Во меѓувреме, државната телевизија прикажа слики од големо количество оружје и муниција кои, според тврдењето на телевизијата, биле пронајдени во џамијата Омари. Властите го уапсиле и Лоај Хисеин, предводникот на кампањата за смена на претседателот Башир Асад, кој пред 11 година ја наследи функцијата од татко му, Хафес Асад, кој, пак, владееше со земјата повеќе децении. Во поголем број градови во Сирија во последните денови се одржуваат антивладини демонстрации, и покрај законот за вонредна состојба, кој забранува јавни собири и кој е на сила уште од 1963 година, веднаш по доаѓањето на власт на владејачката партија Баат /крај/Aljazeera/сс/