Свет
Франција солидарна со Италија во поглед на бегалците
Франција е солидарна со Италија која е преплавена од бран бегалци од Тунис, изјави францускиот премиер Франсоа Филон, пренесува агенцијата Франс прес.
Франција е солидарна со Италија која е преплавена од бран бегалци од Тунис, изјави францускиот премиер Франсоа Филон, пренесува агенцијата Франс прес.
„Пред сè, сакам да кажам дека Франција е целосно солидарна со Италија што се однесува до миграциските бранови кои ги поттикнаа револуциите на југот на Средоземјето“, рече Филон во разговор за денешниот број на италијанскиот дневен весник „Кориере дела Сера“.
Италија последните недели редовно ја обвинува Европската унија(ЕУ), посебно Франција, поради недостаток на солидарност во решавањето на бегалската криза, во која 22.000 бегалци, повеќето од Тунис, влегоа на италијанска територија.
Изјавите на францускиот премиер доаѓаат во време кога Италија најави дека долж границата ќе отвори посебни прифатни центри за бегалците кои сакаат да заминат во Франција и Германија и дека ќе им издаде дозволи за престој за да можат слободно да се движат низ Европа. /крај/афп/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.
Свет
Русија ги повлекува војниците од Нагорно Карабах
Руските воени мировни трупи се повлекуваат од Нагорно-Карабах, потврдија официјални лица од двете земји.
Руските мировници се таму од крајот на ерменско-азербејџанската војна во 2020 година.
Портпаролот на Кремљ, Дмитриј Песков, ги потврди извештаите за повлекувањето пред новинарите, но не даде детали.
Веста за повлекувањето ја потврди и азербејџанскиот министер за надворешни работи Хикмет Хаџиев, додавајќи дека двете земји се договориле за тоа.
Хаџиев не објасни зошто војниците се повлекуваат, но се чини дека нивното присуство е излишно откако Азербејџан ја врати целосната контрола врз регионот минатата година.
Во првата половина на 1990-тите, Нагорно-Карабах беше во фокусот на меѓуетничката војна по распадот на Советскиот Сојуз, во која и Ерменија и Азербејџан беа федерални единици.
Тој регион тогаш беше под целосна контрола на бунтовничките Ерменци до војната во 2020 година, кога Азербејџан ја врати контролата врз некои од неговите делови. Таа војна заврши со прекин на огнот и распоредување на 2.000 руски војници во деловите на Нагорно-Карабах кои останаа под ерменска контрола.
Свет
Стопирани сите летови на „Алјаска ерлајнс“ во САД
Американската федерална управа за авијација (ФАА) денеска издаде препорака за стопирање на летовите на „Алјаска ерлајнс“, пишува „Ројтерс“.
Не е наведена причината за приземјувањето.
„Си-ен-би-ес“ објави дека системот на авиокомпанијата што се користи за сметање на тежината и рамнотежата за летови не работи правилно.
Алјаска ерлајнс и ФАА не одговорија веднаш на барањата за коментар.
Како одговор на поплаките од патниците на социјалната мрежа „Икс“, авиокомпанијата соопшти дека работи на тоа што поскоро да ги внесе патниците во авионот.