Актуелниот претседател на Казахстан, Нурсултан Назарбаев, кој според прелиминарните податоци на изборната комисија, на претседателските избори на 3 –ти април осовил 95,5 отсто од гласовите, мсета дека овој резултат рпетставува сензација за Западот

„Повеќе од 90 отсто гласови за кандидат, односно за мене – тоа претставува сензација за западните општества“, изјави Назарбаев, говорејќи во Астана на  форумот на неговите поддржувачи – „Напред, заедно со лидерот!“. Казахстанскиот претседател Нурсултан Назарбаев рече дека на изборите било демонстрирано единството на народот на Казахстан. „Ако претседателските избори обично ги делат земјите на разни партиски блокови  – ние бевме обединети. Ако во светот се случуваат крвопролевања, етнички судири – ние сме единствени: сите националности, народности, сите религии во Казахстан. Некаде има намалување на работните места, ние градиме фабрики, даваме нови работни места. Некаде денес ги намалуваат пензиите, а ние ги зголемуваме“, изјави претседателот на Казахстан. „Мандатот кој ни го даде вчера народот, ние ќе го исползуваме за заедничка натамошна работа“, рече Назарбаев. Тој ги уверува своите сонародници дека со сите негови сили, искуство и идеи „ќе биде посветен на служење на народот на Казахстан – така секогаш беше и секогаш ќе биде“. „Во годината на одбележувањето на нашата 20-годишнина, казахстанскиот народ му покажа на светот уште еднаш дека ние сме растечка млада држава, почитуван член на светската заедница. Ние му покажавме на целиот свет … ние сме демократски Казахстан“, заклучи Назарбаев.Со предвремените претседателски избори, Назарбаев си обезбеди уште пет години на чело на Казахстан средноазиската држава богата со нафта и гас. Државата со 16.4 милиони жители за разлика од соседите е мирна.Како што пренесува Reuters, Назарбаев во понеделничкото обраќање на во седиштето на неговата партија Нур Отан, додал дека изборната победа ја сфаќа како дозвола од народот да ги продолжи економските, политичките и општествените реформи.Стабилност инаку беше главното мото на 70-годишниот Нурсултан Назарбаев во неговите 20 години власт. Во изминатите децении, токму на стабилноста тој успеа да привлече 120 милијарди странски инвестиции во Казахстан,  но сепак и неорганизираната опозиција и честопати во странство го прозиваат за недемократско практикување на власта. Организацијата за европска безбедност и соработка (ОЕСЦЕ) со којашто минатата година претседаваше Казахстан на изборите имаше ангажирано повеќе од 300 набљудувачи кои изразија загриженост поради нетранспарентноста и медиумската . Назарбаев имаше тројца противкандидати исто така од редот на владејачката партија, од кои еден во неделата признал дека гласал за актуелниот претседател. Опозицијата се реши да ги бојкотира изборите оценувајќи дека немала доволно време да се подготви и ги нарече изборна фарса.