Свет
Извршена смртна казна над министер во Северна Кореја
Смртна казна над поранешен министер за железница на Северна Кореја, осуден заради експлозија на една железничка станица, извршена е денеска, јави јужнокорејската агенција Yonhap
Агенцијата, повикувајќи се на извор во владата на Северна Кореја, јави дека егзекуцијата над поранешниот министер е извршена заради експлозијата на станицата во Жонгчонг, град во близина на кинеската граница, при што загинаа 160 лица.Експлозијата се случи само неколку часа, откако низ станицата помина севернокорејскиот лидер Ким Јонг Ил по ненадејната посета на Кина, што доведе до шпекулации дека се работи за обид за негова ликвидација од страна на политичките противници.Северна Кореја тогаш соопшти дека експлозијата била причинета од електричен кабел кој паднал врз експлозивно ѓубриво од амонијум нитрат.Експлозијата е оквалификувана како акт на саботажа со цел да се оштети специјалниот воз на севернокорејскиот лидер, којшто се враќаше од Кина.Маршрутата и сатницата на возот им беше достапна само на министерот и членовите на обезбедувањето на Ким Јонг Ил, поради што министерот веднаш беше обвинет за протекување на информации.Одредени извори во Јужна Кореја шпекулираат и дека е можно смртна казна да била извршена и врз министерот за финансии на Северна Кореја, заради неупсешните реформи, кои доведоа до недостиг на производи и раст на цените, што предизвика големо незадоволство меѓу населението и тешки последици на и онака слабата економија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.