Свет
Еквадор ја протера амбасадорката на САД
Еквадор ја прогласи американската амбасадорка во таа земја за непожелна и побара нејзино заминување поради спорната депеша која ја објави „Викиликс“.
Еквадор ја прогласи американската амбасадорка во таа земја за непожелна и побара нејзино заминување поради спорната депеша која ја објави „Викиликс“.
Министерот за надвoрешни работи на Еквадор, Рикардо Патино , доцна синоќа рече дека амбасадорката на САД, Хедер Хоџс за нивната влада е „персона нон грата“, и дека бараат да си замине, пренeсе Франс прес.
Патино побара објаснување за наводите на Хоџс од депешата испратена во 2009. година во кои таа пишува дека претседателот на Еквадор, Рафаел Кореа го поставил за шеф на полицијата Хаиме Уртадо за кого знаел дека е корумпиран.
Уртадо беше шеф на полицијата од април 2008. до јуни 2009.година.
Соединетите Американски Држави, во реакцијата на ваквата одлука, соопштија дека протерувањето на амбасадорката е неоправдано и дека длабоко жалат поради ваквата одлука./крај/тн/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година, кога изнесуваше 7,5 милијарди швајцарски франци, пренесува Ројтерс.
Регион
(Видео) Во Хрватска падна снег
На подрачјето на Горски котар во Хрватска синоќа падна снег, а на места имаше и вистинска снежна покривка.
Снег ја зафати и Горанската делница на автопатот А6 Риека-Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.
Свет
Лидерот на Северна Кореја ја надгледуваше воената вежба: се симулираше нуклеарен контранапад
Северна Кореја ги изведе своите први воени вежби кои симулираа нуклеарен контранапад, објави државната новинска агенција на земјата KCNA, како и други државни медиуми.
Врховниот водач Ким Џонг-ун ја надгледуваше вежбата која беше дел од тестот на системот за управување со нуклеарно оружје на нацијата.
Покрај тоа што севернокорејското раководство сака да ја тестира различноста на сопствените нуклеарни капацитети, тоа беше, според КЦНА, протест против американските и јужнокорејските „провокативни и инвазивни“ воени вежби.
Симулациските вежби на севернокорејската војска вклучуваа маневрирање на војниците во позиција за нуклеарен контранапад и истрелување на лажни нуклеарни боеви глави во случај на предупредување за нуклеарна криза.
Во таа прилика беа истрелани неколку балистички ракети со краток дострел кон морето, во близина на источниот севернокорејски брег.
Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.