Свет
Скандал во Виена: Торта со нацистички симбол во продажба
Слаткар од селото Марија Енцерсдорф во близина на Виена предизвика скандал во јавноста кога во неговата понуда на колачи, биле откриени торти со нацистички симболи.
Слаткар од селото Марија Енцерсдорф во близина на Виена предизвика скандал во јавноста кога во неговата понуда на колачи, биле откриени торти со нацистички симболи.
Во каталогот со понудата, со слика, слаткарот нуди торти за секоја пригода, па така и за прослави на десничарите кои го величаат Третиот рајх. Така во понудата има торта со нацистичката парола „Мојата чест значи верност“, но и кукаст крст, а за крштевка нуди бебе со кукаст крст.
Оваа понуда, четириесет и шестгодишниот слаткар Манфред К. воопшто не ја крие, туку гордо им ја нуди на своите муштерии. Гости кои го чекале порачаното кафе, од масата го зеле менито со слики на торти кои ги прави слаткарот и ги откриле нацистичките торти.
Тортите кои не се во согласност со австрискиот закон за забрана на величењето на Третиот рајх, тој ги нуди под наслов „за возрасни“.
Гостите веднаш го пријавиле ова откритие на Комитетот „Маутхаузен“, чиј претседател веднаш поднел пријава против слаткарот заради величење на Третиот рајх.
Државното обвинителство во Винернојштат потврди дека пријавата се наоѓа на проверка кај нив и дека ќе донесат одлука како понатаму ќе се постапува.
Слаткарот не се чувствува виновен и за медиумите вели дека овие торти ги продава од пред осум години.
„Тоа е можеби грешка. Јас не сум нацист. Ги исполнувам само индивидуалните желби на клиентите. Ако сега некој ми побара торта од Гадафи, таква и ќе добие“ вели тој.
Инаку цената на тортата со ваков посебен дизајн е 90 евра. Слаткарот за оваа специјална понуда може да биде кривично гонет и врз основа на законот да биде казнет./крај/блиц/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Моќната сестра на севернокорејскиот лидер: Ќе изградиме супериорна воена сила
Ким Јо Џонг, моќната сестра на севернокорејскиот лидер Ким Џонг Ун, рече дека земјата ќе продолжи да гради супериорна и најмоќна воена сила за да го заштити својот суверенитет и регионалниот мир, објави севернокорејската новинска агенција КЦНА.
Ким рече дека серијата воени вежби на американската војска во регионот оваа година, почнувајќи со вежби спроведени со „јужнокорејски марионетски воени гангстери“, опасно ја нарушуваат регионалната безбедносна средина.
„Ќе продолжиме да ја градиме најголемата и најмоќната воена сила за заштита на нашиот суверенитет, безбедност и регионален мир“, ја цитираше КЦНА нејзината изјава.
Војските на САД и Јужна Кореја во последните месеци спроведоа серија големи и интензивни вежби, а лидерите на двете земји ветија дека ќе ја подобрат борбената готовност против воените закани на Северна Кореја.
Околу 100 воени авиони извршија двонеделни воздушни вежби овој месец, соопшти јужнокорејската војска.
Северна Кореја вели дека американските воени вежби се подготовки за нуклеарна војна против неа. Вашингтон и Сеул велат дека вежбите имаат одбранбен карактер и се спроведуваат редовно за да се одржи подготвеноста.
Свет
Израел: Нашата армија не ги закопа Палестинците во масовна гробница во Газа
Телата откриени во масовна гробница во Појасот Газа не биле закопани од израелски војници, туку од Палестинци, соопшти израелската амбасада во Женева.
„Тврдењето дека израелските одбранбени сили (ИДФ) закопале палестински тела е неосновано“, соопшти амбасадата.
„Војниците само ги прегледале телата во гробницата во потрага по израелски заложници, се почитувало достоинството на загинатите, а телата на Палестинците биле вратени на истото место“, се додава во соопштението.
„Прегледот беше извршен внимателно и исклучиво на места каде разузнавачките информации укажуваа на можно присуство на заложници“, соопшти амбасадата.
Палестинскиот тим за цивилна одбрана во Газа извести дека масовна гробница со 283 тела била откриена во близина на болницата Насер во градот Кан Јунис на југот од енклавата.
Според канцеларијата на високиот комесар на ОН за човекови права Фолкер Турк, кој ја повика цивилната одбрана, на некои тела им биле врзани рацете.
Свет
Кина изрази противење на пакетот помош од САД за Тајпеј
Кина е „одлучно против“ на американскиот пакет за безбедносна помош за Тајпеј во износ од над осум милијарди долари, соопшти Канцеларијата за тајвански работи на кинеското Министерство за надворешни работи.
Пекинг ги повика САД да ја исполнат својата обврска да не ја поддржуваат независноста на кинескиот регион Тајван, како и да прекинат со секаков вид негово вооружување, рече портпаролот на Канцеларијата.
Американскиот Сенат усвои нацрт-закон со кој се одобрува пакетот безбедносна помош за Израел, Украина и кинескиот регион Тајван во вкупна вредност од 95 милијарди долари.