Свет
Дивата поп ѕвезда со тешка задача како претседател на Хаити
Мишел Мартели, некогаш харизматична поп ѕвезда со имиџ на лошо момче, денеска одржа прес конференција како нов претседател на Хаити, пренесува Асошиејтед прес.
Мишел Мартели, некогаш харизматична поп ѕвезда со имиџ на лошо момче, денеска одржа прес конференција како нов претседател на Хаити, пренесува Асошиејтед прес. Многумина на Хаити се прашуваат како 50. годишниот „Сладок Мики“ ќе успее да се избори со големите проблеми кои го очекуваат од сите страни, од последиците од катастрофалниот земјотрес од минатата година и епидемијата на колера, преку постоењето на стотици илјади бездомници во ситуација кога реконструкцијата на земјата е запрена, до невработеноста со која е погодена повеќе од половина на населението. „Прво да кажам дека отсекогаш имав желба да ја променам својата земја“, рече Мартели на прес конференција. Како и за време на претседателската кампања, Мартели избегнуваше да каже како ќе управува со земјата. Мартели е најпознат по дивото однесување на сцена, во времето додека беше популарен интерпретатор на „компас“ – забавена, но поенергична верзија на менреге, што е популарно на Хаити. Неговите концерти беа легендарни поради неговото провокативно однесување – облекуваше пелени и дресови, на публиката и покажуваше гол задник, ги колнеше своите ривали и многу пцуеше. Во осумдесеттите години на минатиот век работеше како градежен работник во Мајами, а во тоа време, како што вели, повремено пушел марихуана и земал крек. Врвот на популарноста на Хаити го достигна во текот на 90-сетите години. /крај/ап/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.