Свет
Деветнаесет полицајци убиени во немирите во јужна Сирија
Деветнаесет полицајци и припадници на безбедносните сили се убиени од вооружени лица во петокот за време на безредијата во градот Дера’a во јужниот дел на Сирија, а уште 75 полицајци се повредени, јавува сириската државна новинска агенција САНА
Претходно беше објавено дека во немири коишто започнаа во Дера’а откако неидентификуван „вооружени лица отвориле оган врз припадниците на безбедносните сили и цивили“, со што биле нарушени мирните демонстрации што се одржаа во градот по петочните молитви. Претходно, сириската телевизија објави дека врз учесниците на протестите коипто во петокот се одржуваа во сириските градови Хомс и Дара’a и врз припадниците на безбедносните сили стрелале млади лица и адолесценти на околу 20-годишна возраст.Извори од опозицијата, пак, тврдат дека врз демонстрантите оган отворила полицијата. Организаторите на масовни протести во петокот во Сирија, кои се нарекуваат „Сириска Револуција 2011 година“, ги објавија на социјалната мрежа Фејсбук, имињата на 14-те лица кои загинале во Дера’а. Сирискиот власти велат дека безбедносните сили „во никој случај не го попречувале“ одржувањето на демонстрациите и интервенирале дури откако неидентификувани вооружени лица ги предизвикале безредијата. Според агенцијата САНА, за вопсоставување на редот и мирот во Дара’а полицијата употребила солзавец. Протести на кои се повикуваше на слободата се одржаа денеска и во градот Хомс, во во крајбрежните градови Латакија и Банијас, како и во некои предградија на Дамаск и во северо-источниот дел на Сирија, во областите населени со Курди. Во Хомс, според сириските медиуми, биле повредени 16 лица, меѓу кои и пет полицајци. Бранот протести во Сирија започна во градот Дерa’a на границата со Јордан на 18-ти март. Директен повод за изливот на народното незадоволство и бунтот беш апсењето на студентите кои пишувале анти-владини пароли по ѕидовите. Луѓето излегоа на улиците барајќи нивно ослободување. Подоцна немирите се проширија и во неколку други области од земјата. Според неофицијалните податоци, во безредија досега се убиени најмалку 80 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Макрон и градоначалничката на Париз најавија дека ќе пливаат во Сена: Сакаат да го докажат добриот квалитет на водата за Олимписките игри
Градоначалничката на Париз, Ан Идалго изјави дека ќе плива во Сена со францускиот претседател Емануел Макрон за да докаже дека квалитетот на водата на реката ќе биде на нивото потребно за претстојните Олимписки игри.
Идалго потврди дека ги поканила организаторите на Олимпијадата и високите француски функционери да пливаат во Сена на настан кон крајот на јуни или почетокот на јули оваа година, вклучувајќи го и Макрон, кој претходно ветил дека ќе плива во реката, пренесува АП.
„Ќе нуркаме во Сена и многу волонтери се појавија да нуркаат со мене и многу спортисти ќе бидат таму. Ќе биде безбедно да се плива во Сена“, изјави Идалго.
Претходно, француската невладина организација „Suffrider Foundation“ предупреди дека квалитетот на водата во Сена не е доволно добар за пливање за време на Олимпијадата, врз основа на шестмесечни мерења на квалитетот.
За чистење на оваа река ќе бидат инвестирани 1,4 милијарди евра, а од 1 јуни ќе почнат новите рутински мерења.
Организаторите на ОИ претходно најавија дека е можно да се одложат одредени настани во случај на голема загаденост на Сена, а во најлош случај ќе биде откажан пливачкиот дел од планираните триатлони.
Исто така, беше најавено дека пливањето во делови на Сена ќе биде дозволено за јавноста, за прв пат од 1923 година.
Свет
Јужнокореец уби 76 мачки, почнал да ги мрази откако му го изгребале автомобилот
Маж од Јужна Кореја е осуден на 14 месеци затвор за убиство на 76 мачки во еден од најлошите случаи на суровост кон животните во Јужна Кореја во последните години.
Човекот, кој има 20 години, беше осуден за кршење на јужнокорејскиот закон за благосостојба на животните минатата недела, соопшти Окружниот суд Чангвон во југоисточна Јужна Кореја. Судот не го објави името на човекот.
Човекот убивал мачки од декември 2022 година до септември 2023 година поради омразата кон животното која ја развил откако други мачки му го изгребале автомобилот, се наведува во образложението на пресудата.
Тој фатил мачки скитници и посвоил други од интернет-страниците пред да ги задави некои до смрт, а други да ги убие со ножици, смета судот.
Со автомобил прегазил една мачка.
Судот процени дека затворската казна е неизбежна затоа што тој постојано правел „неописливо сурови“ злосторства со предумисла.
Нагласено е дека изречената казна сепак го одразува фактот дека мажот немал криминално досие и се кае за сторените кривични дела, додавајќи дека е утврдено дека неутврденото психичко здравје на мажот било мотив за делата.
Човекот ја обжали пресудата.
„Овој случај на суровост, исто така, ја истакнува важноста од измена на Граѓанскиот законик за правно признавање на животните како живи суштества и дополнително зајакнување на нивната правна заштита“, рече Борами Сео, директор на јужнокорејската канцеларија на Humane Society International.
Свет
Убиен рапер, пронајден во хотелска гаража откако бил застрелан: Џастин Бибер јавно се прости од него
Раперот Крис Кинг почина во саботата во Нешвил, Тенеси.
Крис бил ранет околу 2 часот и 30 минути кога бил со пријателите во уличка, соопшти полицијата, пренесува „Пипл“.
Како што се наведува понатаму, тројца мажи им пришле и се обиделе да ги ограбат, а Кинг и уште еден маж биле ранети. Напаѓачите побегнале, а раперот бил пронајден во гаража на хотел.
View this post on Instagram
Веднаш бил пренесен во болница, но таму починал.
32-годишниот рапер беше близок пријател со пејачот Џастин Бибер, кој јавно се прости од него.
“Те сакам брат. Ова боли“, напиша Џастин Бибер, пренесува гореспоменатиот медиум.