Свет
Продолжува потрагата во Јапонија по исчезнатите во земјотресот и цунами
Јапонските власти денеска испратија 22 илјади војници, 90 авиони и 50 бродови во нова потрага по исчезнатите на брегот во североисточниот дел на земјата, по катастрофалниот земјотрес и цунами на 11 март годинава, соопштија во неделата медиумите во Токио
Билансот од земјотресот во кои загинаа 12.998 е сѐ уште привремен, но околу 15 илјади луѓе се водат како исчезнати.Авиони и хеликоптери ќе надлетуваат над поплавените зони, бреговите на реката и морето во должина од 300 километри, регион кој беше погоден од земјотресот и цунамито.„Помина цел месец, а уште толку многу има исчезнати под урнатините. Дневно пронаоѓаме од 80 до 100 тела. Треба сите да ги пронајдеме што порано“, изјави неименуван потпарол на јапонската војска.Американската војска учествува во операцијата со 110 војници и два авиона. Во операцијата во потрагата од минатиот викенд пронајдени се околу 80 тела.Речиси еден месец по мартовскиот разорен земјотрес со магнитуда од 9.0 степени по Рихтер, на 7-ми април североисточниот дел на Јапонија беше погоден од најсилните афтершокови. Магнитудата за овие два земјотреса кои се случија во четвртотко за нецела минута изнесуваше 7,1.и 7,4 степени по Рихтер. Јапонската полиција којашто е овластена за соопштување на сите официјални податоци, во вкупните податоци за жртвите ги вклучува и жртвите од потресите од 7-ми април, Според овие податоци во последните силни афтерошови загинале 7 лица во регионот на главниот град Токио, а жртви и повредени има и на исток од земјата.Во саботата во шестте префектурите погодени од земјотресот на 11-ти март и моќното цунами како исчезнати се регистрирани 14.865 луѓе. Така, според најновите податоци на јапонската полиција, вкупниот број загинати и исчезнати лица надминува 27.600 луѓе.Исто така, денеска јапонската полиција соопшти дека бројот лица кои се евакуирани и сместени во приовремените засолништа или останале без дом изнесува 153 илјади лица.Според последните информации од јапонското министерство за надворешни работи кои не се коригирани последната седмица, потврдена е смртта на 19 странски државјани во катастрофалниот земјотрес од 11-ти март. Според информациите од министерството за надворешни работи на Јапонија, меѓу жртвите на природната катастрофа се државјани на Кина, Јужна Кореја, Северна Кореја, Пакистан, Филипини, Канада и САД.Според Институтот за географија на Јапонија, полуостровот Осика северо-источно од главниот јапонски остров Хоншу од земјотресот се измести 5,3 метри во југо-источна насока и пропадна за 1,2 метри.Целосно уништени 19.814 објекти, од кои дури 12.400 објекти се срамнети со земјата само во префектурата Ивате. Во морето се потопени 1.165 илјади домови а целосно се опожарени 148 објекти.Предизвикано од катастрофалниот земјотрес на 11-ти март цунамито коешто го зафати северо-источниот брег на Јапонија во морето повлече 247 бродови, бродчиња и други пловни објекти. Повеќето од уништените од цунамито и повлечени во океанските води пловни средства се мали рибарски бродови и чамци.Разорниот земјотрес предизвика и повеќе несреќи на нуклеарната централа „Фукушима -1“ каде од употреба излезе системот за ладење на реакторите. Како резултат на инциденти во нуклеарната централа беа регистрирани неколку протекувања на радијација, што ги принуди јапонските власти да забранат прелети на авиони во радиус од 30 километри и за истата површина на копното е прогласена целосна евакуација на населението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија со предупредување до Европа: Ако ни го земете имотот, одговорот ќе боли
Сојузникот на претседателот Владимир Путин во вторникот ја предупреди Европа дека Русија веќе го напишала законот за да се одмазди доколку Западот заплени речиси 300 милијарди долари руски имот и ги искористи за помош на Украина.
Откако претседателот Владимир Путин испрати војници во Украина во 2022 година, Соединетите Американски Држави и нивните сојузници ги забранија трансакциите со руската централна банка и Министерството за финансии, блокирајќи околу 300 милијарди долари руски средства на Запад, пренесуваат светските агенции.
Врвните функционери во Соединетите Американски Држави сакаат да запленат имот за да и помогнат на Украина, иако некои банкари и европски функционери се загрижени дека таквите заплени на имот би создале опасен преседан.
Во саботата, Претставничкиот дом на САД усвои закон со одредба која овозможува заплена на руски имот, но лавовскиот дел од руските средства не е во САД, туку во Европа.
„Имаме подготвен одговор“, изјави Валентина Матвиенко, претседател на Горниот дом на рускиот парламент, а пренесе државната новинска агенција РИА.
„Имаме предлог-закон со одмазднички мерки што сме подготвени веднаш да го разгледаме.
„И Европејците ќе изгубат повеќе од нас“, рече Матвиенко, која е членка на рускиот Совет за безбедност.
Матвиенко не прецизираше каков ќе биде одговорот на запленувањето на рускиот имот, за што се уште се разговара на Запад.
Една од опциите за која разговара Западот е да се конфискува приходот од имотот без да се земе самиот имот.
Путин вели дека Западот започна економска војна против Русија, тврдејќи дека руската економија, која минатата година порасна за 3,6 отсто, е отпорна на западните санкции кои имаат за цел да ја запрат руската трговија.
Кремљ постојано повторува дека секое запленување на неговиот имот би било спротивно на принципите на слободниот пазар што Западот ги прокламира и ќе ја поткопа довербата во американскиот долар и еврото, додека ги одвраќа глобалните инвестиции и ја поткопува довербата во западните централни банки.
Русија соопшти дека ќе ја оспори секоја конфискација на нејзиниот имот на суд.
Некои руски функционери сугерираат дека ако се запленети руски имот, истата судбина би можела да ја доживее и имотот на странските инвеститори блокирани на специјални сметки во Русија.
Не е јасно колку точно пари има на овие сметки, според написите.
Претседателот на долниот дом на рускиот парламент, Вјачеслав Володин, во понеделникот изјави дека Русија има основа да ги заплени имотите на Западот по усвојувањето на законот во американскиот Конгрес.
Володин рече дека од 280 милијарди долари замрзнати руски средства во странство, само 5 до 6 милијарди долари се во САД, додека околу 210 милијарди евра се во Европската унија.
Свет
(Видео) Се судрија два воени хеликоптери во Малезија: загинаа сите членови на екипажот
Два малезиски воени хеликоптери се судрија и се урнаа за време на тренинг вежба, при што загинаа сите 10 членови на екипажот, соопшти морнарицата.
Несреќата се случила во поморска база во северната држава Перак за време на проба за прослава на 90-годишнината од формирањето на морнарицата во мај, се вели во краткото соопштение на морнарицата.
BREAKING: 2 military helicopters crash after mid-air collision in Malaysia, killing all 10 people on board pic.twitter.com/4afNggr0x9
— BNO News (@BNONews) April 23, 2024
Сите жртви починале на лице место, а посмртните останки се испратени на идентификација, пренесува АП.
Седум членови на екипажот се наоѓале во поморскиот оперативен хеликоптер AV139, соопшти морнарицата. Тој авион е произведен од „AgustaVestland“, подружница на италијанскиот одбранбен изведувач Леонардо.
Тројца други членови на екипажот се наоѓале во лесниот хеликоптер „Фенек“, произведен од европскиот мултинационален одбранбен конгломерат „Ербас“.
Локалните медиуми објавија дека AV139 удрил во спортски комплекс во поморската база, додека „Fennec“ удрил во блискиот базен.
Морнарицата соопшти дека ќе започне истрага за да се утврди што ја предизвикало несреќата.
Свет
Иранскиот министер за надворешни работи: Санкциите на ЕУ против Иран се за жалење
Санкциите на Европската унија, за кои минатата недела беше постигнат начелен договор што треба да му бидат наметнати на Техеран по нападот на Иран врз Израел, се „за жалење“ бидејќи Иран дејствуваше во самоодбрана, изјави иранскиот министер за надворешни работи Хосеин Амирабдолахиан.
Тој во објава на платформата Х, напиша дека е „за жалење“ што ЕУ толку брзо одлучува да спроведе уште по „незаконски рестриктивни мерки против Иран“, само затоа што Иран го искористи правото на самоодбрана, по, како што наведе, „непромислената израелска агресија“, пренесува Ројтерс.
На 13 април, Иран истрела повеќе од 300 беспилотни летала и проектили кон Израел, велејќи дека тоа е како одмазда за израелскиот бомбардирање на иранскиот конзулат во Дамаск, во кој загинаа 13 лица.