Свет
НАТО ќе продолжи со нападите заради заштита на цивилите во Либија
НАТО во понеделникот соопшти дека го има предвид предлогот на Африканската унија за воспоставување примирје во Либија, но дека останува уште и да прими официјално барање, истовремено најавувајќи дека ќе ги продолжи нападите врз силите на Гадафи се’ додека тие ги загрозуваат цивилите
Претседателот на Јужноафриканската република, Џејкоб Зума го повика НАТО да ги сопре воздушните напади врз силите на режимот на полковникот Моамер ел-Гадафи „за да му се даде шанса“ на примирјето, откако либискиот водач го прифати планот за запирање на судирите во Либија што вклучува и прекинување на огнот од двете страни. Генералниот секретар на алијансата, Андрес Фог Расмунсен изјави дека „го нотирал“ предлогот на Африканската унија за воспоставување на прекин на огнот, но на прес-конференцијата истакна дека „се’ уште не примиле формално барање во врска со спроведување на какво и да е примирје“. Расмунсен додаде дека владата на Гадафи и во минатото најавуваше примирје „но не ги одржа своите ветувања“ , како и дека секое примирје бара ефективни механизми за надзор. „Секое примирје мора да биде веродостојно и треба да може да биде верификувано. Неопходно е да дојде до целосно запирање на насилствата и до целосно запирање на сите напади и злоставувања на цивилите“, додаде првиот човек на Алијансата.Уште во понеделникот наутро, од НАТО изјавија дека ситуацијата во овие Аџдабија и Мисрата е „безнадежна“ и вети продолжување на бомбардирањата за намалување на вооружената моќ на единиците лојални на Гадафи.Како што во неделата доцна навечер изјави јужноарфринаксниот претседател Зума, Гадафи ги прифати мировните насоки за мирна разрешница на судирите во Либија на предлог на делегацијата на Африканската унија.Во Триполи вчера беше одржан состанокот меѓу Момер ел-Гадафи и делегацијата. Делегацијата на Африканската унија допатува во Либија за да издејствува прекин на судирите во кои животите ги изгубија најмалку 23 лица во саботата во Аџдабија и Мисрата, како што известија бунтовнички и медицински извори. Полковникот Гадафи ја прими делегацијата на Африканската унија во шатор во неговата резиденција Баб ал-Азизи. Делегацијата ја сочинуваат претседателите на Јужноафриканската република, Мали, Мавританија и конго, како и министерот за надворешни работи на Уганда.Во текот на изминатата ноќ Зума издаде куса изјава за медиумите во која наведува дека „делегацијата на братот лидер ги прифати мировните насоки коишто ги предложивме“ и повикуваа „НАТО да ги стопира воздушните напади за да му се даде шанса на прекинот на огнот“.Меѓутоа, претставникот на раководството на либиската опозиција во странство, Гума ал Гамати, изјави дека бунтовничките сили нема да прифатат никаков договор во кој Гадафи и неговите синови остануваат на функциите. Либиската опозиција и бунтовниците од почетокот на судирите како главен услов за прекинување на непријателствата го поставија повлекувањето на Гадафи што овој го одби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД презедоа нови чекори за да се осигураат дека американската технологија за оружје нема да заврши во Русија
„САД побараа од американските компании да престанат да доставуваат стоки на повеќе од 600 субјекти во странство поради стравувањата дека нивните производи би можеле да бидат пренасочени во Русија и да се користат во инвазијата на Украина“, изјави вчера американски функционер.
Американското Министерство за трговија издаде писмени предупредувања до најмалку 20 компании во последните недели, што е последен обид да се запрат руските воени напори во Украина, изјави претставник на Министерството за трговија.
Имено, овие компании произведуваат и продаваат компоненти пронајдени во проектили и дронови на украинска територија.
Откако Русија ја нападна Украина во 2022 година, САД и повеќе од 30 други земји воведоа серија санкции со цел да ги ослабат руските борбени способности за да го спречат пристапот до западната технологија. Сепак, американските компоненти сè уште се наоѓаат во руското оружје оставено на бојното поле во Украина, забележува Ројтерс.
„Во последните неколку недели испративме писма на адресите на повеќе од 20 американски компании, а секоја содржи список со повеќе од 600 странски субјекти“, рече помошникот државен секретар Метју Акселрод на годишната конференција за контрола на извозот.
„Во нашите писма баравме американските компании доброволно да престанат да снабдуваат стоки за овие земји поради високиот ризик од нивно пренасочување кон Русија“, истакна Акселрод.
Акселрод рече дека одредени американски претставници, исто така, директно контактирале со лидерите на американските компании за да разговараат за понатамошните чекори што може да се преземат за да се спречи нивните производи да завршат во Русија.
Регион
Почна нова детална потрага по Данка, пристигнаа спасувачки екипи со куче
Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во Бањско поле и рано утринава започнале детално пребарување на просторот околу куќата пред која исчезнало двегодишното девојче.
Екипите се состојат од 18 пожарникари-спасувачи со 5 теренски возила и едно куче.
Припадниците на српската полиција во континуитет ги преземаат сите мерки и дејствија за пронаоѓање на девојчето и утврдување на сите факти и околности за нејзиното исчезнување, информираат од Министерството за внатрешни работи на Србија.
Што правеа багерите вчера околу куќата од каде што исчезна Данка
Вчера околу куќата каде исчезна Данка во Бањско поле имаше два багери.
Според Телеграф.рс, багерите првенствено работеле на расчистување на теренот бидејќи куќата била опкружена со депонија, па полицијата за полесни претреси го расчистува просторот од гломазен и друг отпад.
„Сечат дрвја и го отстрануваат отпадот бидејќи околу куќата има депонија“, јави репортер од местото на настанот.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.