Свет
Бројот жртви во Минск се зголеми на 12
Белоруската полиција направила фотороботи на двајца претпоставени извршители на нападот во метрото во Минск, изјави за медиумите министерот за внатрешни работи на Белорусија, Анатолиј Кулешов.
Белоруската полиција направила фотороботи на двајца претпоставени извршители на нападот во метрото во Минск, изјави за медиумите министерот за внатрешни работи на Белорусија, Анатолиј Кулешов. Како што пренесува белоруската новинска агенција БЕЛТА, во експлозијата која вчера се случи на станицата „Октомврискаја“ од подземната железница во главниот град Минск, според последните болнички извештаи загинале 12 лица, 195 се обратиле за медицинска помош, 157 биле хоспитализирани од кои 40 биле во сериозна состојба, а 26 во многу тешка. Како што пишуваат белоруските медиуми, голема среќа било што експлозијата во подземната железница не предизвикала стампедо на патниците.„Направивме два фоторобота според описи на граѓаните кои биле очевидци на експлозијата“, рече првиот човек на белоруската полиција, Анатолиј Кулешов. Според него, станува збор за двајца мажи кои се осомничени за подметнување на експлозијата. Запрашан од новинарите дали е точно дека полицијата добила информации уште во саботата за две жени кои изгледаат како „бомбаши-самоубијци“, Кулешов одговорил дека не се трага по ниедна жена.Главниот обвинител на Белорусија ја квалификуваше експлозијата како терористички чин. Експлозивната направа содржела метални топчиња и имала моќност од седум килограми ТНТ, а била поставена под клупа за седење. Во тоа време при доаѓањето на возот на станицата имало околу 300 лица, додал Кулешов.Белорускиот претседател Александар Лукашенко кого Западот го обвинува за авторитарност бидејќи на чело на државата е од 1994 г., неколку часа по експлозијата ја поврзана со нерешениот случај од нападот во 2008 г. во кој за среќа и покрај големиот број повредени, немаше загинати. Лукашенко рече дека не ја исклучива можноста дека станува збор за „ подарок однадвор“, но и дека треба да се испитаат и сите внатрешни врски.Кулешов, исто така, во продолжение на прес-конференцијата рекол дека сите човечки и технички ресурси на белоруската полиција се ставени во состојба на зголемена готовност. „Посебно внимание се посветува на безбедноста на јавни места, во подземната железница каде се засилени со детектори за метал сите терминални станици, а на крајните станици се поставени 15 стационарни детектори за метал“, рекол министерот за внатрешни работи на Белорусија, додавајќи дека потрагата ќе продолжи се’ додека не бидат откриени виновниците за експлозијата. Се’ уште не се изнесуваат други детали за експлозијата којашто одекна на метро станицата „Октомврискаја“ во понеделникот во 17,58 по локално време, во терминот на вечерниот сообраќаен шпиц.Експлозијата се случила, веројатно во последниот вагон на една композиција, наведува агенцијата БЕЛТА повикувајќи се на изјави од повеќе сведоци. Детонацијата не била силна, туку придушена или како што ја споредиле некои од присутните во метрото во време на експлозијата – како кога се отвора шише шампањско. Пламен речиси и воопшто да немало, а евакуацијата била извршена за пет минути./крај/блт/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се истражува случајот со жената што донесе мртовец во банка за да подигне кредит, стинаа резултатите од обдукцијата
Бразилската полиција уапси жена осомничена дека донела во банка мртов маж за кој велела дека ѝ е вујко за да подигне кредит.
На социјалните мрежи се појави видео на кое се гледа како жена на шалтерот на банката „Итау“ во Рио де Жанеиро му ја крева главата на постар маж во инвалидска количка и се обидува да му стави пенкало во раката.
Од полицијата рекоа дека осомничената се обидувала да земе кредит во износ од 3.000 долари, кој банката веќе ѝ го одобрила, но било потребно одобрение и од вујкото. Мажот од видеото не реагирал на барањата на жената. Додека се обидувала да му го даде пенкалото, неговата рака се спуштала, а главата му паѓала назад, пишува Си-ен-ен.
„Вујко, слушаш, мораш да потпишеш. Ако не потпишеш, нема шанси. Не можам да потпишам јас, мораш ти. Ајде не прави проблем, направи го тоа“, се слуша како му вели жената. Еден од вработените во банката во тој момент рекол дека постарата личност, најверојатно, не се чувствува добро.
Шефот на цивилната полиција во Рио де Жанеиро, Фабио Луис Соуза, изјави дека вработените во банката потоа решиле да повикаат брза помош. Кога пристигнале болничарите, утврдиле дека човекот бил мртов неколку часа. Полицијата води истрага и се обидува да утврди каква е точно поврзаноста на осомничената и починатиот маж, а засега не е поведено обвинение.
Адвокатот на семејството го демантира полицискиот извештај:
„Работите не испаднаа така. Човекот беше донесен жив во банката. Мојата клиентка е целосно потресена, зема лекови“, рече тој.
Обдукцијата откри нови детали
Бразилскиот медиум „Метрополес“ добил извештај од обдукцијата што укажува дека смртта на мажот била предизвикана од бронхоаспирација и срцева слабост. Утврдено е и дека бил неисхранет.
„Таквите податоци ги потврдуваат некроскопските наоди за неисхранетост и бронхоаспирација. Претходните срцеви заболувања исто така придонеле за смртта“, се вели во извештајот.
Судскиот совет ги чека резултатите од дополнителното испитување за да се утврди дали мажот бил отруен.
„Бизнис-инсајдер“ известува дека експертот што ја потпишал прелиминарната форензичка анализа заклучил дека нема доволно докази за да се заклучи дали Пауло починал на пат кон или внатре во банката или, пак, починал пред тоа.
Меѓутоа, обдукцијата покажала дека згрутчувањето на крвта во неговиот врат сугерирало дека тој умрел легнат.
Адвокатот и натаму тврди дека неговата клиентка е невина, а нагласува и дека има сведоци. Истрагата продолжува.
Свет
ЕУ и Кина повикаа на воздржаност на Блискиот Исток
Кина објави дека се противи на каква било ескалација на тензиите на Блискиот Исток.
„Кина се противи на какви било активности што би можеле дополнително да ги ескалираат тензиите“, изјави денеска Лин Џијан, портпарол на кинеското Министерство за надворешни работи.
Реагираше и со претседатката на Европската комисија, Фон дер Лајен.
Таа ги повика Иран, Израел и нивните сојузници да се воздржат од ескалација на ситуацијата на Блискиот Исток.
„Апсолутно е неопходно регионот да остане стабилен и сите страни да се воздржат од понатамошни активности“, рече Урсула фон дер Лајен.
Претходно утрово, светските медиуми објавија дека Израел го нападнал Иран и дека се слушнале три експлозии во близина на воена база во централниот град Исфахан.
Сепак, засега нема официјални информации од двете држави за тоа што се случувало.
Свет
Разузнавачки извор за Си-ен-ен: Директните напади меѓу Израел и Иран завршија
Регионален разузнавачки извор рече дека директните напади меѓу Израел и Иран се завршени.
Изворот разговарал за Си-ен-ен под услов да остане анонимен околу два и пол часа по објавувањето на нападите. Изворот вели дека, според неговите сознанија, не се очекува Иран да одговори на нападот, но не наведе причина.
Претходно и висок ирански функционер изјави за „Ројтерс“ дека „Иран нема план за итна одмазда против Израел“.
Израел сѐ уште не потврдил дека го извршил нападот врз Иран, а тврдењата за нападот дојдоа од Вашингтон.
Од друга страна, од Иран доаѓаат контрадикторни информации, но нема официјален извештај.
Пред само еден час ирански аналитичар изјави за иранската државна телевизија дека „мини дроновите соборени од противвоздушната одбрана во Исфахан биле управувани од инфилтратори од Иран“.
Претходно, пак, ирански функционер изјави за „Ројтерс“ дека немало ракетен напад и дека експлозиите биле резултат на активирање на иранските системи за противвоздушна одбрана.