Свет
Либиските бунтовници се повлекуваат на исток
Силите на либискиот лидер Моамер ел-Гадафи во неделата се пред Аџдабија, потиснувајќи ги на исток бунтовниците кои сепак зачувале некои позиции во градот а даваат отпор и во опколената Мисрата
Со поддршка на воздушните удари на НАТО, претходните денови бунтовниците напредуваа 40 километри кон Брага на исток, 80 километри западно од Аџдабија. Но веќе во недеалата наутро силнитге напади врз западниот приод на стратешки важниот град Аџдабија, ги принудија на бекство во самиот град стотиците бунтовници и жители, јавува дописникот на AFP според чии процени, силите на полковникот Моамер ел-Гадафи, најверојатно се на 20 километри од градот. Според последните информации од неделата навечер, војниците на Гадафи сопреле со канонадите по што бунтовниците во градот се разместиле по главните сообраќајници поставувајќи барикади доколку либиската армија реши повторно да нападне и да се обиде да се пробие во Аџдабија. Во неделата во ракетирањето на бунтовничките позиции кои се на половина пат меѓу Брега и Аџдабија загинале осум лица, а 27 биле ранети.Во Мисрата, којашто е единствениот град што бунтовниците го држат во западниот дел од земјата, загинале 16 луѓе а 71 се ранети, соопштиле болнички извори. Борбите во неделата попладне продолжиле во Мисрата со уште поголем интензитет. Бунтовниците соопштија дека во текот на минатата ноќ ги заземале позициите на војската на Гадафи.Агенциите наведуваат дека во Мисрата либиската армија ги користи забранетите од 2010 г. касетни бомби, но режимот на Гадафи тоа го негира.Позападно, режимските сили ја бомбардираа околината на градот Налут, десетина километри од границата со Тунис. Жителите на Налут претходно во колони се упатиле кон градот Зентен, 120 километри поисточно барајќи засилување во пружањето отпор, сведочејќи за жестоки борби. Силите на Гадафи се обидуваат да ја заземат должината на границата, којашто инаку е официјално затворена од двете страни, но сепак на некои места има преминувања и според режимот внесување оружје. Во саботата околу три илјади Либијци избегаа во западните планини во настојувањето да дојдат до Тунис, соопшти Високиот комесаријат за бегалци (УНХЦР) на Обединетите нации. Францускиот министер за одбрана, Жерар Лонже во неделата оцени дека постои „извесна опасност за продолжување“ на судирите во Либија, бидејќи либискиот лидер и неговата земја „не се сосема предвидливи“. Претседателот на Европската унија, Херман ван Ропмуј, изјави дека „треба да се продолжи со воениот притисок“ врз Либија потврдувајќи дека заминувањето на Моамер ел-Гадафи е „главната задача“ на коалицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.