Свет
Путин: Русија може да биде меѓу петте најразвиени економии
Русија може да стане една од петте водечки економии на светот во наредните десет години и нејзината економија ќе мора да биде силна за да им се спротивстави на надворешните закани, рече меѓу другото рускиот премиер Владимир Путин во своето денешно обраќање на руската Дума
Русија може да стане една од петте водечки економии на светот во наредните десет години и нејзината економија ќе мора да биде силна за да им се спротивстави на надворешните закани, рече меѓу другото рускиот премиер Владимир Путин во своето денешно обраќање на руската ДумаПутин пред пратениците истакна дека годинешната инфлација во Русија нема да надмине 7,5 проценти. Што се однесува до БДП, Путин тврди дека тоа пораснало за 4,4 проценти во првите четири месеци од годината, но и дека до 2020 година БДП-то по жител во Русија мора да биде барем 35.000 долари, колку што е во Франција и Италија.Затоа, смета Путин, Русија ќе мора двојно да ја зголеми продуктивноста во наредните десет години, а во клучните индустрии продуктивноста мора да порасне тројно или дури и четири пати. Путин смета и дека на Русија и требаат десет години стабилен развој, без експериментите со честопати неоправданиот либерализам. „Модернизацијата или со други зборови, доследниот и постојаниот развој пред се ќе зависи во инвестирањето во индивидуалците и во нивните таленти и способности, со создавање на услови за личен развој и иницијатива“, вели Путин.Рускиот премиер повика уделот на иновациски производи да се зголеми на 25 до 30 проценти, од сегашните 12 и најави дека Русија ќе создаде „најмалку 200.000 нови работни места во индустриските градови до 2015 година“. „Главната цел ни е да создадеме модерни, ефикасни и добро платени работни места, да ја охрабриме новата технологија и да ја укинеме штетната индустрија. Странските директни инвестиции во Русија би требало да растат за 60 до 70 милијарди долари годишно“, им рече Путин на пратениците.Тој не заборави да истакне и дека производството на системите на балистички ракети од 2013 година ќе се удвои, со што вооружените сили ќе добијат нови стратешки и тактички ракетни системи, а подобрувањето на воздушните сили и противвоздушната одбрана ќе бидат приоритет во развојот на армијата. Путин се осврна и на стапката на наталитет и најави дека Русија ќе потроши 53,30 милијарди долари за демографски проекти со цел наталитетот да се подобри за 25 до 30 проценти до 2015 година.„Да бидеме искрени, ако сте слаби во модерниот свет, секогаш ќе се најде некој кој ќе сака да ве советува во кој правец треба да се движите, каква политика ќе водите и кој пат ќе го изберете за вашата сопствена земја“, поентираше рускиот премиер во своето обраќање до руската Дума. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Евакуиран хотел во Рим поради отровни испарувања од базенот: пет лица отруени, затворени и околните улици
Најмалку пет лица се повредени во хотел во центарот на Рим, кога дошло до испуштање на штетни испарувања од базенот. Наредена е итна евакуација на сите присутни гости и вработени.
Според италијанските медиуми, повредените се во болница, а едно лице е во многу тешка состојба.
Повредени се вработените во хотелот, а најмалку 35 лица се евакуирани.
Во моментот кога алармот се вклучил, во хотелот имало само неколку туристи кои биле на појадок.
Отровни испарувања „доаѓале“ од бањата и велнес центарот на долниот кат од хотелот, а се сомневаат дека се од базенот.
Полицијата го обезбедувала и просторот во непосредна близина на хотелот, а поради отровните испарувања биле затворени околните улици.
Регион
Додик повторно во Русија: Имаме притисок, но остануваме посветени на добрите односи со Москва
Лидерот на босанските Срби, Милорад Додик, повторно отпатува во Русија за да ја изрази својата желба за зајакнување на односите со режимот на Владимир Путин, а денеска на средбата со шефот на рускиот Совет за безбедност, Николај Патрушев, тоа го потврди. Додик отпатува за Санкт Петербург, каде ќе учествува на меѓународниот безбедносен форум организиран од руските власти, а таму го однесе и министерот за безбедност на БиХ, Ненад Нешиќ, со чија партија е во коалиција на државно ниво.
Како што објави јавниот сервис на Република Српска (РТРС), Додик веднаш се сретнал со Патрушев, кој се смета дека е еден од најблиските соработници на Путин. Двајцата разговараа за соработката меѓу РС и Русија, а Патрушев особено ги пофали добрите лични односи меѓу Додик и Путин.
„Вашите одлични лични односи со претседателот на Русија, Владимир Путин, водат до одлични односи меѓу РС и Руската Федерација“, рече Патрушев на средбата, додавајќи дека е свесен дека РС е под голем притисок поради тоа.
Додик одговори дека нема да го поколебаат притисоците.
„Ние сме под голем притисок, но остануваме посветени на добрите односи со Русија“, рече Додик.
Актуелниот претседател на РС, кој е под санкции на САД и Велика Британија, отпатува во Русија во време кога Босна и Херцеговина се соочува со сериозна политичка криза. Министерот за надворешни работи на БиХ, Елмедин Конаковиќ, во понеделникот предупреди дека односите во владејачката коалиција се „најлоши досега“.
Кризата беше предизвикана од барањето на Додик за укинување на техничките измени на изборниот закон, кои беа наметнати во март од високиот претставник за БиХ Кристијан Шмит, како и противењето на најавеното усвојување на резолуцијата во Обединетите нации со која би се прогласил 11 јули како ден за сеќавање на жртвите од геноцидот во Сребреница.
Поради оваа причина, Додик ги актуелизираше своите закани за независност на РС, и тоа го стори во пресрет на неговото заминување во Русија.
„Не можеме да живееме со оние кои работат против нас. Време е секој да тргне по својот пат“, изјави вчера Додик.
Свет
Драма во Америка: во куќа пронајдени тела на пет лица, меѓу нив и деца
Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.
Получникот Гери Најт од полицијата на државата Оклахома изјави дека загинатите биле семејство и дека починале од насилна смрт, пренесува „Ен-би-си њуз“.
Најт додаде дека полицијата сè уште не може да открие што точно откриле инспекторите.
Полицијата беше испратена во дом на 20-ина милји западно од центарот на Оклахома Сити под сомнение дека таму се наоѓаат телата, рече Најт.
Според него, на сите тела имало повреди, кои изгледале како да се работи за убиство.