Свет
Либискитe бунтовници заробија пункт на границата со Тунис
Либиските бунтовници во четвртокот преземале од владините сили контролен пункт на границата со Тунис, пренесува дописникот на AFP повикувајќи се на очевидци
Според агенцијата, неколку стотици борци од анти-владините сили по кратка битка во четвртокот ја преземале контролата на граничниот премин кој се наоѓа во област 360 километри западно од Триполи, во близина на селото Вазан. Потоа, околу 150 до 200 невооружени либиски војници побарале заштита на туниската страна од границата во градот Дехибат.Освојувајќи го контролниот пограничен пункт, бунтовниците веднаш го истакнале монархистичкото знаме кое беше укинато по доаѓањето на власт на полковникот Моамер ел-Гадафи пред 42 години, и прославувале со истрели во воздух. Од друга страна, Reuters повикувајќи се на очевидец кој се претставил само како Али кој се јавил од тунискиот град Дебхат, јавува дека битката за пограничниот пункт се одвива целото претпладне и се’ уште трае. Официјални информации од органите на Либија и Тунис за ситуацијата на границата меѓу двете земји се’ уште нема. Официјалниот претставник на Високиот комесаријат на Обединетите нации за бегалци (УНХЦР), Андреј Махечич на 19-ти април изјави дека последните десет дена од подрачјата зафатени со граѓанската војна во Либија, во Тунис, преминале околу 10 илјади луѓе. Според него, само минатиот викенд околу шест илјади Либијци ја минале границата и дошле во околината на тунискиот град Дебхат. Претходно, претставник на Европската комисија објави дека вкупно во текот на изминатата седмица околу 430 илјади Либијци биле принудени да ја напуштат својата татковина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон изјави дека „постои ризик Европа да умре“ за време на говорот на Универзитетот Сорбона во Париз.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува Ројтерс.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.