Свет
Стотици европски платеници се борат на страната на Гадафи
Меѓу 300 до 500 платеници од Европа, вклучувајќи и од земји членки на Европската унија, се борат во Либија на страната на режимот на Моамер ел-Гадафи пишува денеска интернет весникот EUobserver повикувајќи се на грчкиот експерт за организиран криминал, Мајкл Кутузис
Меѓу 300 до 500 платеници од Европа, вклучувајќи и од земји членки на Европската унија, се борат во Либија на страната на режимот на Моамер ел-Гадафи пишува денеска интернет весникот EUobserver повикувајќи се на грчкиот експерт за организиран криминал, Мајкл Кутузис Мајкл Кутузис е основач на компанијата Lotophages Consulting, регистрирана во Франција, која е специјализирана за безбедносни студии за потребите на институциите на ЕУ, ОН и на француската влада. „Европските платеници, претежно специјалисти за тешкото оружје, хеликоптерска технологија и воени тактики, добиваат неколку илјади долари на ден. Најголемиот дел од нив потекнуваат од Белорусија, Србија и Украина. Постои значителен број полски експерти за хеликоптери. Исто така, вклучени се и белгиски, британски, француски и грчки граѓани“, пишува EUobserverПокрај тоа, на страна на Гадафи во Либија се борат и луѓе од ЈАР, Чад, Нигер, Мали и Сомалија, кои примаат и до два илјади долари на ден. Извори на интернет весникот во бунтовничкиот Национален совет во Бенгази, изјавиле дека „алжирски, руски и сириски редовен офицерски кадар исто така му помагаат на Гадафи.“ Платеници пристигнуваат и тргнуваат од Либија преку воените аеродроми на север од земјата, кои ги контролираат силите на либискиот лидер. Армијата на Гадафи, која беше соочена со проблемот на дезертирање, ја сочинуваат околу 25 илјади војници. Покрај тоа, под команда на синовите на либискиот лидер се меѓу 35 до 50 илјади добро вооружени припадници на милициите/крај/еоб/рн/сн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.