Свет
Погребан Саи Баба
Индискиот духовен гуру Саи Баба денеска е погребан во присуство на стотици илјади негови следбеници, кои сакаа да му ја оддадат последната почит во храмот на југот на Индија
Индискиот духовен гуру Саи Баба денеска е погребан во присуство на стотици илјади негови следбеници, кои сакаа да му ја оддадат последната почит во храмот на југот на ИндијаТибетски свештеници, муслимански духовници, политичари и воени функционери, како и обични следбеници, го преплавија комплексот на „ашрама“ (храм) во Путапарти во сојузната држава Андра Прадеш на испраќањето на својот духовен лидер. Во текот на церемонијата, кој беше спроведен со сите државни почести, низ ашрамот одекнувале хиндуистички напеви, а потоа телото на Саи Баба беше скриено со параван за да може со него да се прости потесното семејство. Од неделата навечер, кога беше изложено неговото тело, облечено во карактеристичната портокалова наметка, крај неговиот одар и покрај големата жештина, продефилираа стотици илјади луѓе.Харизматичниот Саи баба, кој самиот си се прогласи за реинкарнација на Саи Баба од Ширди, светец кој починал во 1918 година, со своето горопадно учење кое беше мешавина од хиндуистички и муслимански верувања, привлече милиони следбеници ширум светот. Тој почина во бедела, во 85-та година од животот поради откажување на внатрешните органи.Саи Баба беше и културна икона и во светот и во Индија, земја која бргу се модернизира, но во која религијата и духовноста се уште се интегрален дел од животот на населението. Се проценува дека Саи Баба имаше околу 10 милиони следбеници во стотина земји ширум светот, меѓу кои имаше и политичари, славни актери од Холивуд и од Боливуд, како и спортски ѕвезди.Тој предвиде дека ќе живее 96 години, па веста за неговата смрт ги збуни следбениците, кои му препишуваат натприродни моќи, меѓу кои се и лечење на болни во терминалната фаза на болеста. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Почна нова детална потрага по Данка, пристигнаа спасувачки екипи со куче
Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во Бањско поле и рано утринава започнале детално пребарување на просторот околу куќата пред која исчезнало двегодишното девојче.
Екипите се состојат од 18 пожарникари-спасувачи со 5 теренски возила и едно куче.
Припадниците на српската полиција во континуитет ги преземаат сите мерки и дејствија за пронаоѓање на девојчето и утврдување на сите факти и околности за нејзиното исчезнување, информираат од Министерството за внатрешни работи на Србија.
Што правеа багерите вчера околу куќата од каде што исчезна Данка
Вчера околу куќата каде исчезна Данка во Бањско поле имаше два багери.
Според Телеграф.рс, багерите првенствено работеле на расчистување на теренот бидејќи куќата била опкружена со депонија, па полицијата за полесни претреси го расчистува просторот од гломазен и друг отпад.
„Сечат дрвја и го отстрануваат отпадот бидејќи околу куќата има депонија“, јави репортер од местото на настанот.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Регион
Силен земјотрес ја погоди Бугарија
Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ.
Земјотресот е регистриран во 8:38 часот по локално време, на четири километри од Девин, на длабочина од девет километри.
🔔#Earthquake (#земетресение) M3.8 occurred 6 km SW of #Devin (#Bulgaria) 4 min ago (local time 08:38:05). More info at:
📱https://t.co/IbUfG7TFOL
🌐https://t.co/MSdvNiasPN
🖥https://t.co/ycq6JSIzuY pic.twitter.com/jACmTRndoJ— EMSC (@LastQuake) March 29, 2024
Речиси половина час пред овој земјотрес Бугарија ја погоди потрес со јачина од 2,4 степени според Рихтеровата скала.
Забележан е во 8:09 часот по локално време.
Во 08:42 часот е регистриран и трет земјотрес со јачина од 2,2 степени според Рихтеровата скала.
Засега нема информации за повредени или материјална штета.