Свет
Племенски поглавари заедно против Гадафи
Поглавари или претставници на 61 племе од Либија денеска повикаа на завршување на владеењето на Гадафи, во заедничко соопштение објавено од францускиот писател Bернар-Анри Леви, пренесува Al Jazeera
Поглавари или претставници на 61 племе од Либија денеска повикаа на завршување на владеењето на Гадафи, во заедничко соопштение објавено од францускиот писател Bернар-Анри Леви, пренесува Al Jazeera„Соочени со заканите по единството на нашата земја, соочени со маневрите и пропагандата на диктаторот и неговото семејство, ние даваме завет дека ништо нема да не раздели. Ние го делиме истиот идеал за слободна, демократска и обединета Либија“, се вели во соопштението, составено во Бенгази на 12-ти април.Прочуен интелектуалец во Франција, Леви стана неофицијален портпарол во Париз на либискиот отпор. Нему му се припишува заслугата за вршење притисок врз претседателот Никола Саркози за да ја мобилизира меѓународната заедница да им даде поддршка на бунтовниците во Либија.Тој за агенцијата AFP изјави дека соопштението е подготвено во Бенгази, но е поделено насекаде низ Либија и до сега било прифатено од многумина влијателни племенски водачи во областите кои се уште се под контрола на Гадафи. „Секое племе во Либија е претставено со барем еден претставник. На овој список со 61 потпис некои племиња се претставени 100 проценти“, вели Леви.„Ние Либијците сме едно и обединето племе, племе на слободните Либијци, кои се борат против тортурата и против настраниот гениј на поделбата“ се вели во преводот на соопштението на француски јазик, објавен во магазинот La Regle du Jeu. /крај/Aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Атина во густ облак од прашина и песок од Сахара
Главниот град на Грција, Атина, се најде во облак од прашина и песок од пустината Сахара и Северна Африка, феномен кој е проследен со особено високи температури.
Воздухот во градот треба да се подобри од утре наутро, велат метеоролозите.
„Во пролетта, март-април, циклоните, кои се движат кон исток по северноафриканскиот брег, носат прашина кон источниот Медитеран. Типична песочна бура со домет од 200 километри носи од 20 до 30 милиони тони прашина, понекогаш и до 100 милиони, објаснува директорот на грчката метеоролошка служба Теодорос Колидас.
Главниот град често се наоѓа на патот на тие песочни бури, но оваа година беше проследен со особено високи температури, поради што е речиси невозможно да се дише.
Во центарот на Атина на 27 март беа забележани 25,3 степени Целзиусови, што е рекорд од март 2009 година, а на Крит температурите достигнаа и до 32 степени, истакнаа грчките метеоролошки служби.
Сојузот на пулмолозите на Грција препорача најранливите групи на населението, особено луѓето кои страдаат од астма, да избегнуваат „непотребни движења и спортови на отворено кога концентрациите на прашина се највисоки“.
„Африканската прашина носи честички кои можат да се интегрираат со полен, бактерии и габи, создавајќи многу токсична и опасна смеса за човечкото тело, а особено за респираторниот систем“, предупредува здружението.
Свет
Апсења во Пакистан по снимка во која брат ја убива сестрата, таткото гледал сè
Пакистанската полиција уапси татко и брат откога видеото од провинцијата Пенџаб, на кое брат ја дави својата сестра додека таткото гледа, стана вирална, соопштија официјални лица.
Настанот предизвика шок и бес во нацијата, која се бори со бранот насилство врз жените. 22-годишна девојка била убиена од својот брат додека таткото гледал, а непознато трето лице го снимило злосторството, изјави за ДПА претставникот на локалната полиција, Рана Акмал.
Инцидентот се случил во градот Тоба Тек Синг минатата недела. Семејството ја закопало жената тврдејќи дека умрела од колера.
И таткото и братот ѝ кажале на полицијата дека со години ја силувале жената и ја убиле за да го скријат своето злосторство, изјави полицискиот службеник Мохамед Имран.
Се спроведуваат рации за апсење на лицето, кое наводно го снимило злосторството.
Регион
Родителите на двегодишната Данка во полиција во Бор: мајката одбила полиграф
Родителите на исчезнатата двегодишна Данка Илиќ се донесени во полициската станица во Бор, објави „Телеграф.рс“.
Тие не се осомничени, но со нив се врши информативен разговор.
Ивана и Милош вчера дадоа исказ во присуство на Центарот за социјална работа.
Како што објави српски „Телеграф“, мајката го одбила полиграфскиот тест бидејќи е бремена.
„Девојчето Данка Илиќ сè уште не е пронајдено. Апелираме до сите луѓе да не објавуваат информации што не се проверени. Со тоа се нарушува и се загрозува истрагата, во која е инволвиран и Одделот за криминалистичка полиција“, изјавиле за „Телеграф.рс“ од српската полиција.