Свет
Амр Муса: да се поништи мировниот договор со Израел
Генералниот секретар на Арапската лига и претседателски кандидат во Египет, Амр Муса, изјави дека ќе се залага за поништување на мировниот договор склучен со Израел во Камп Дејвид во 1979 г
Мировниот договор, кој пред 32 години го потпишаа тогашните лидери на Египет и на Израел, Анвар Садат и Менахем Бегин, е „неуспех“.Во говорот во рамките на неговата предизборната кампања на југот на Египет, Муса го повика Израел да престане со изградбата во Западниот брег и да ја признае палестинската држава на целата територија која што која окупираше Израел во војната во 1967 година, вклучувајќи го и Појасот Газа. Во меѓувреме, уште еден претседателски кандидат, судијата Хешам Бастависи, порача дека договорот од Кемп Дејвид треба да биде преосмислен. Анкетите на јавното мислење во Египет покажуваат дека повеќе од половина Египќани сакаат мировниот договор да биде поништен. Според договорот до Кемп Дејвид, Израел се повлече од Синајскиот полуостров, кој го имаше окупирано во 1967 година. За возврат, Египет се согласи да ја демилитаризира таа област. Овој договор беше прво признавање на независноста на Израел од страна на една голема арапска држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.