Свет
Зардари: Пакистан не учествуваше во акцијата на Бин Ладен
Убиството на Осама бин Ладен не беше заедничка американско-пакистанка операција, објави вчера пакистанскиот претседател Али Зардари во колумна во Вашингтон Пост.
Убиството на Осама бин Ладен не беше заедничка американско-пакистанка операција, објави вчера пакистанскиот претседател Али Зардари во колумна во Вашингтон Пост.
Зардари воедно ги отфрли и сите сомнежи дека Пакистан не направил доволно во потрагата по водачот на Ал Каеда и во борбата против милитантите на својата територија.Тој напишал дека прибежиштето на Бин Ладен, во градот, педесет километри од Исламабад, не и било познато на пакистанската влада.
„Не беше никаде каде што претпоставуваме дека може да биде. Иако случувањето во недела навечер не беше заедничка операција, децениската соработка меѓу Пакистан и САД најпосле доведе до елиминација на Осама бин Ладен како постојана пречка на цивилизираниот свет“ додаде тој.
Пакистанскиот лидер порача дека едноставно не е точно дека неговата земја, тешко погодена од страна на Бин Ладен и делувањето на неговите милитанти со 30 илјади мртви цивили во последните години, немала волја да го пронајде.
„Тоа се неосновани шпекулации. Пакистан имаше причина да ја презира Ал Каеда како и било која друга земја. Борбата против тероризмот е и пакистанска војна, како и американска“ нагласи Зардари.
Неговото мислење меѓутоа не го делат пакистанските медиуми кои денеска пишуваат дека тоа што Бин Ладен е пронајден и убиен во Пакистан ќе и нанесе на тамошната власт голем срам.
„Пакистанскиот неуспех да го открие престојот на најбараниот човек не светот на својата територија е шокантна“ објави Tehe News. „Како можел да се крие во Пакистан, а ние да не преземеме никаква акција? Таа приказна ќе биде тешка поради Американците“ пишува Daily Times.
Локалните телевизиски куќи повеќе пати ги прикажаа снимките на премиерот Јусуф Резе Гилани и други службеници кои велат дека Бин Ладен не е во Пакистан.
Вашингтон изминативе години го обвини Пакистан за недостаток на одлучност во борбата со милитантите на своето подрачје, а пакистанските разузнавачки служби за несоработка. Пакистанските медиуми денеска нагаѓаат дека Американците би можеле да преземат некоја акција за да го покажат своето незадоволство од пакистанските власти./крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Џакарта повеќе нема да биде главен град на Индонезија
Парламентот на Индонезија одлучи поранешната метропола Џакарта да остане економски центар на земјата како дел од планот за преселување на главниот град на островот Борнео.
Индонезија планира да го пресели својот главен град од преполната Џакарта во Нусантар, град вреден 32 милијарди долари кој се гради во џунглите на Источен Калимантан, Борнео.
Градот е водечки проект на претседателот во заминување Јоко Видодо, кој вети подобра дистрибуција на богатството и развој низ архипелагот, не само на островот Јава.
Министерот за внатрешни работи Тито Карнавијан по дебатата во парламентот рече дека Џакарта сè уште ќе треба да се развива понатаму за да се натпреварува со другите „градови од светска класа“ откако седиштето на владата се пресели во Нусантара.
„Откако повеќе не е главен град, Џакарта сепак мора да има печат на посебен град за да може да го забрза економскиот раст и да го зголеми својот придонес во БДП на земјата“, рече тој.
Европа
Кремљ за евентуалното блокирање на Телеграм: „Се повеќе станува алатка во рацете на терористите“
Портпаролот на Кремљ Дмитриј Песков денеска изјави дека во моментов не се планира блокирање на социјалната мрежа Телеграм во Русија.
„Не, во моментов нема такви планови“, изјави Песков за каналот Шот на прашањето дали Русија планира да го блокира Телеграма.
Тој додаде дека основачот на таа платформа Павел Дуров треба повеќе да внимава како се користи оваа социјална мрежа.
„Секако, би очекувале поголемо внимание од Павел Дуров, бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација, се повеќе станува алатка во рацете на терористите, се користи за терористички цели“, рече портпаролот на Кремљ, пренесува РИА Новости.
Како што изјави во средата за РИА Новости, извор запознаен со ситуацијата, сторителите на терористичкиот напад во предградието на Москва биле регрутирани преку каналот на Телеграм, Глас Хорасан, сопственост на авганистанското крило на Исламската држава.
Пратеникот на Државната дума од Обединета Русија Олег Морозов денеска оцени дека е неопходно да се развие механизам за автоматско блокирање на каналите на Телеграм кои регрутираат терористи користејќи клучни зборови користејќи вештачка интелигенција.
Европа
Шолц: Мирот во Украина е можен во секој момент, само ако Путин ги повлече своите војници
Германскиот канцелар Олаф Шолц изјави денеска дека мирот во Украина е можен во секој момент доколку рускиот претседател Владимир Путин ја прекине својата, како што наведе, „варварска“ кампања и ги повлече војниците.
Шолц за „Маркише Агемајне Цајтунг“ изјави дека секогаш имало иницијативи за посредување.
„На пример, веднаш по избувнувањето на војната, Русија и Украина директно преговараа меѓу себе. Преговорите потоа пропаднаа затоа што Русија ги искористи само како изговор за истовремено да ги премести своите трупи на исток за голема офанзива“, посочи тој.
Како што тврди, токму тогаш на виделина излегле „масакрите“ во Буча и Ирпин, злосторства против човековите права извршени од страна на руските вооружени сили врз цивилното население, со што разговорите се лишени од секаква основа, пренесува медиумот.
„Малку подоцна се разговараше за договорот за жито, со успех. За жал, Путин во одреден момент повторно го откажа“, додаде Шолц.
Тој изјави дека имало разговори и за безбедноста во нуклеарната централа Запорожје и за размена на затвореници.
„Голем број земји, вклучително и Украина, во моментов разговараат на ниво на советници за безбедност за тоа што би можело да изгледа како нешто што може да доведе до мировен процес, но дозволете ми да бидам многу јасен: мирот е можен во секое време. Путин само треба да стави крај на неговата „варварска“ кампања и да ги повлече трупите“, истакна Шолц.