Свет
Ал Каеда повторно планирала напад на САД на 11.септември
На десетгодишнината од нападот на Вашингтон и Њујорк, Ал Каеда планирала напад на возовите на американската железница, објави американското министерство за национална безбедност.
На десетгодишнината од нападот на Вашингтон и Њујорк, Ал Каеда планирала напад на возовите на американската железница, објави американското министерство за национална безбедност.
„Во февруари 2010. година Ал Каеда ги разгледувала терористичките операции на возови во САД , по повод десетгодишнината од нападите на 11. септември“, објави портпаролот на министерството Метју Чандлер, пренесе Франс Прес.
Овие информации произлегуваат од документите кои се пронајдени во куќата на Осама бин Ладен во Аботабад.
Чадлер рече и дека нема информации дека во моментов постои закана за железничкиот сектор, но сакале да ги предупредат партнерите за тоа дека постои таков заговор.
Наводно Ал Кеда планирала да преврти воз кој требало да падне во долина или од мост.
„Њујорк Тајмс“ повикувајќи се на извори од администрацијата, објави дека податоците собрани од куќата на бин Ладен покажуваат дека тој и понатаму ги водел и планирал нападите на Ал Кеда од своето засолниште.
Објавено е и дека ЦИА со месеци пред акцијата на елитните американски единици внимателно следела што се случува во вилата на Бин Ладен што најверојатно дополнитено ќе ги посрамоти пакистанските функционери и пакистанската разузнавачка служба која не била информирана за сето тоа./крај/фп/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.