Свет
Приведен првиoт човек на ММФ
Извршниот директор на Меѓународниот монетарен фонд (ММФ) Доминик Строс-Кан, кој е осомничен за сексуално малтретирање нема да ја признае својата вина, јави Reuters повикувајќи се на адвокатот на приведените шеф на ММФ, Бенџамин Брафмен.
Доминик Строс-Кан, беше уапсен на аеродромот Џон Ф. Кенеди во Њујорк само неколку минути пред летот за Париз. Според Reuters, набрзо се очекува тој да биде и формално обвинет. „Очекуваме дека во рок од еден час тој ќе биде обвинет и со тоа тој ќе биде формално уапсен“ , изјави портпаролот на полицијата во Њујорк, Пол Браун. „Тој нема да се изјасни за виновен“, го цитира агенцијата адвокатот Бенџамин Брафмен.Во меѓувреме, од ММФ не го коментираат апсењето на раководителот на фондот. „Ние тоа го видовме на вестите, но само ќе ја коментираме работата на фондот“, изјавија кусо од ММФ.Строс-Кан, еден од можните кандидати за претседател на Франција, е обвинет за сексуално малтретирање на вработена во еден хотел на Тајмс Сквер. Според весникот The New York times, агенти во цивилна облека го уапсиле во авион на „Ер Франс“, десет минути пред да полета за Париз.Строс-Кан, една од најпопуларните личности во Франција, член на опозициската Социјалистичка партија, веќе една седмица е под опсервација на медиумите. Во почетокот на мај, весниците објавија фотографија на која е првиот човек на ММФ со скап автомобил „порше“. Во четвртокот, медиумите почнаа да пишуваат за неговото „погрешно“ однесување, предупредивајќи на можен пад на неговата популарност.Пред два дена, Agence France-Presse објави дека Строс-Кан има намера да го тужи весникот France-Soir, нарекувајќи гиж лажни информации дека тој шие костуми кај шивачот на американскиот претседател. Според оваа информација, шефот на ММФ ги користи услугите на шивач во Вашингтон, познат како Жорж од Париз (Georges de Paris. Меѓу неговите клиенти е и американскиот претседател, Барак Обама, а костумите чинат од седум до 35 илјади евра.Во прилог на информации за скапиот автомобил и услугите на претседателскиот шивач, медиумите пишуваат и за скапиоте елитен недвижен имот, која наводно му припаѓа на претседателот на ММФ. Според нив, брачната двојка Строс-Кан има шестособен апартман во 16-ти арондисман на Париз, еден стан од 240 квадратни метри на елитниот плоштад „де Вогез“ во центарот на главниот град, дом со површина од 380 квадратни метри во Вашингтон и недвижен имот во Маракеш (Мароко).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.