Свет
Територијата на Либан под оган од сириска страна
Врз пограничниот регион на Либан, каде што се сместуваат бегалците од областите погодените со немирите во Сирија, било стрелано од сириска територија, при што едно лице загинало а уште пет се повредени, јави Agence France-Presse, цитирајќи извор во безбедносните служби
Како што пренесува агенцијата, инцидентот се случил на контролниот пункт Ал Бокаја на либиско-сириската граница. Сириските бегалци од градот Тел-Калјах, ја преминале границатa и се упатиле кон градот Вади-Калед во Либан, кога се нашле под оган од страната на Сирија. Во нападот загинал еден Сириец, а пет лица меѓу кои и либански војници биле повредени. Според AFP, стотици луѓе во саботата бегале во соседен Либан од сирискиот пограничен град Тел-Калјах, кој е опкружен од сириската војска. Според медицински лица во градот, откако протестите се раширија имало жестока реакција на сириските безбедносни сили кои убиле најмалку четири лица. Претседателот Бушар ал-Асад кој владее авторитарно преку неговата партија Баат е на власт од 2000-та кога на функцијата го наследи неговиот татко. Тој на почетокот од бунтот во март најави можност за политички реформи, но потоа ја активираше војската за да го задуши бунтот. Протестите на опозицијата во Сирија продолжуваат и покрај владината амбициозна програма за реформи, покажана особено со укинувањето на вонредната состојба којашто беше воведена уште во 1963 г. што беше едно од главните барања на опозицијата. Во блиска иднина се очекува да бидат укинати и уставните одредби според кои владејачката Баат партија е „владејачка и водечка сила во општеството“. Сириските власти за речиси двомесечните немири ги обвинуваат „криминалните групи поддржани од надворешни сили“. Според официјални информации, досега во судирите загинале околу 150 луѓе, додека опозицијата тврди дека оваа бројка е над 800.Според официјалните податоци на сириските власти, пак, од почетокот „на насилството предизвикано од платеници против безбедноста на граѓаните и татковината“, загинале 70 цивили и над 80 војници и полицајци.Протестите со кои се бараат демократски реформи во Сирија започнаа во средината на март. Армијата и безбедносните сили на Сирија вршат постојан притисок врз демонстрантите растурајќи ги нивните митинзи низ градовите на земјата. Во петоците инаку се одржуваат најмасовните демонстрации на опозицијата.Масовните демонстрации во Сирија започнаа во областа Дера’a. Директен повод за тоа беше апсењето на група ученици кои по ѕидовите испишувале анти-владини пароли. Нивните сограѓани масовно излегоа на улиците барајќи ослободување на момчињата. Подоцна, протестот се прошири на уште неколку други региони на земјата, а особено беа масовни во градовите Латакија, Банијас, Хомс и Хама, како и во некои предградија на главниот град Дамаск.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Руски борбен авион се урна кај Севастопол
Рускиот борбен авион Су-27 денеска се урна во морето во близина на кримското пристаниште Севастопол, а веста ја потврди и регионалниот гувернер Михаил Развозаев.
„Пилотот безбедно се катапултирал, а спасувачите на севастополската спасувачка служба го подигнале на оддалеченост од двесте метри од брегот. Цивилните објекти не се оштетени“, објави Развозаев на својот официјален канал.
Ein russischer Su-27 „Luftüberlegenheitsjäger“ ist vor der Küste Sewastopols brennend ins Meer gestürzt.
Russisches Militär behauptet Stock und Stein, dass es sich um einen „technischen“ Unfall und keinen versehentlichen Abschluss handelt.
Naaa ja. pic.twitter.com/8cWoc7jp4W— Julian Röpcke🇺🇦 (@JulianRoepcke) March 28, 2024
Се уште нема потврда како и зошто дошло до овој инцидент.
Медиумите првично објавија дека се урнал авионот Су-35, но се потврди дека се работи за моделот Су-27. Како што може да се види на снимката од несреќата, авионот се вртел во пламен на небото додека не паднал директно во Црното Море.
Регион
„Дете не може само така да пропадне во земја“ – соседот на исчезнатата Данка опиша што се случувало кобниот ден
Се вратив од училиште околу 14 часот, а половина час подоцна дојдоа две-три полициски патроли, ги следев да видам што се случува и дознав дека детето го нема. Вака Лука од Бор зборува за моментот кога исчезна девојчето Данка Илиќ (2).
Како што вели, кобното попладне веднаш се приклучил на полицијата во потрага по детето.
„Тука бевме до 22:30 часот. После тоа дојдоа уште дваесет патроли. Следната вечер пристигнаа два-три хеликоптери, како и беспилотни летала за термално снимање и кучиња трагачи. Таму беа бабата, мајката и дедото и малиот брат на Данка. Сите добро ги познавам“ изјави Лука, пренесува „Блиц.рс“.
Тој потсети дека семејството на девојчето живее во Бор и дека дошле во Бањско поле бидејќи таму имаат викендица.
„Се надевам на најдоброто. Се молам на Бога девојчето да е живо и здраво. Отпрвин мислевме дека, не дај Боже, паднала или нешто слично, но нема ништо“, вели соседот на семејството на исчезнатото девојче.
Потоа ја коментираше изјавата на мајката на Данка за исчезнувањето на нејзината ќерка.
„Сите велат дека отишла да земе вода. Детето не можело да пропадне во земја. Кога стигнав, мајката на Данка беше во солзи, како и нејзината баба. Бабата беше навистина потресена. Цел ден плачеше во автомобилот. Вечерта дошла Итната помош и и дала седатив за висок притисок. Подоцна ја однеле во итната медицинска помош“, вели младниот човек.
На прашањето дали мисли дека девојчето можеби е киднапирано, тој вели во тоа верува 100 отсто.
„Ако не е тука, не знам каде би можела да биде. Оваа улица не е прометна. Не знам како се случи“, заклучува Лука.
„Блиц“ потсетува пред фармата на која исчезна девојчето Данка Илиќ (2) во Бањско поле кај Бор, пристигна багер – комбајн за да може полицијата да го расчисти имотот. Во исто време, припадници на МУП повторно ги пребаруваат шахтите и јамите во споменатата населба. Сето тоа со цел да се најдат материјални докази кои ќе помогнат во пронаоѓањето на Данка. Багерот подоцна се преселил на имотот преку улицата, каде што собира дрвја и гранки.
Родителите на исчезнатата Данка Илиќ денеска во текот на денот се приведени во полиција за да го продолжат распитот кој вчера започна во полициската станица во Бор во врска со исчезнувањето на нивната двегодишна ќерка.
Неколку припадници на полицијата го раскопуваат просторот пред дворот каде девојчето исчезна пред точно два дена. Областа се бара за какви било траги.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.