Свет
Строс-Кан е во домашен притвор во Емпаер Билдинг
Новото привремено престојувалиште на поранешниот извршен директор на ММФ Доминик Строс-Кан е еден од најстарите облакодери на Њујорк – Емпаер Билдинг (Empire Building) во областа Менхетен, пренесува Асошиетед прес, цитирајќи извор запознат со ситуацијата на привременото сместување на Строс-Кан
Доминик Строс-Кан беше уапсен на 14 мај во Њујорк, врз основа на изјавите на 32-годишната собарка од њујоршкиот хотел „Софител“ којашто го пријави на полицијата со обвинување за сексуално насилство. Врховниот суд на Њујорк во четвртокот се согласи да го ослободи со кауција од милион долари и да му одреди мерка домашен притвор. До излегувањето од притворот, Строс-Кан се наоѓаше во њујоршкиот затвор „Рајкерс ајленд“.Претходно се претпоставуваше дека поранешниот челник на ММФ ќе остане во домашен притвор во еден апартман во луксузниот комплекс „Плаза Бристол“ еден од најмодерните квартови во Горен Менхетен. Сепак, обвинителите и адвокатите на Строс-Кан не можеа да постигнат договор во врска со овој апартман и на крајот беше одлучено тој привремено да биде сместен во Долен Менхетен. Како што објави The New York Post, повикувајќи се на свои извори, менаџментот на комплексот „Плаза Бристол“ одбил да го прими поранешниот извршен директор на ММФ. Исто така, беше објавено дека жестоко против вакво соседство истапил еден „висок претставник на жителите“ на комплексот.За обезбедување на Строс-Кан е ангажирана специјализираната приватна фирма „Stroz Friedberg“, која е формирана главно од поранешни агенти на ФБИ. Строс-Кан ќе биде под окото на камерите за надзор, а на него ќе има електронска нараквица, која постојано ќе ја емитува неговата моментална локација. Дозволени се телефонски разговори и посети на роднините и пријателите на Строс-Кан. Доминик Строс-Кан „Претходната вечер претставници на медиумите се обидоа да влезат во зграда од комплексот Бристол Плаза. Порати тоа станарите на комплексот не се согласија со тоа Строс-Кан привремено да биде сместен тука“, изјавил адвокатот на поранешниот челник на Меѓународниот монетарен фонд (ММФ), Вилијам Тејлор. Според него, Строс-Кан се одлучил за друга локација „од почит кон станарите“. Според судијата од Врховниот суд, Мајкл Објус, станува збор за привремена мерка, и во рок од неколку дена Строс-Кан ќе биде префрлен на нова локација.Како што пренесува Асошиетед прес, поранешниот шеф на ММФ под никаков изговор нема право да ја напушти куќата. Откако ќе биде решено прашањето на неговото сместување, ќе биде решено и дали Строс-Кан ќе се пресели во постојан апартман, каде што ќе живеат до крајот на судскиот процес, а тој може да ја напушти својата куќа само за да се сретне со адвокат, да оди на доктор, кога се јавува на судските рочишта и да оди на неделни богослужби. Притоа тој ќе биде должен да го извести обвинителството за неговите планови најмалку шест часа претходно. Емпаер Билдинг е еден од најстарите облакодери во Њујорк, на 21-кат е изграден во 1895 година. Во 1996 тоа беше прифатена како знаменитост на Њујорк а во 1998 година влезе во Националниот регистар на историски места на САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.