Свет
Либиската опозиција не сака копнена операција на НАТО
Либиската опозиција се спротиставува на копнена операција на силите на НАТО, изјави за новинарите во понеделникот во Москва, претставник на Преодниот национален совет, Абдел Рахман Шалкам, пренесува РИА Новости.
Либиската опозиција се спротиставува на копнена операција на силите на НАТО, изјави за новинарите во понеделникот во Москва, претставник на Преодниот национален совет, Абдел Рахман Шалкам, пренесува РИА Новости. „Не. Никогаш. Ние не сакаме копнена операција во Либија. Да, имаше информации дека во бомбардирањата имаше жртви. Ние, секако, жалиме и се извинуваме за тоа. Се надевам дека тоа ќе биде колку што е можно повеќе избегнато во иднина“, изјавил Шалкам. Руското министерство за надворешни работи на почетокот од мај издаде соопштение дека се спротиставува на копнени воени операции во Либија, бидејќи резолуцијата 1973 на Советот за безбедност на ОН „категорично и недвосмислено“ ја исклучува оваа можност.Рускиот министер за надворешни работи Сергеј Лавров пред извесно време изјави дека кон крајот на април Москва добила информации околу подготовката на меѓународната коалиција за копнена офанзива во Либија. Во средината на февруари во Либија почнаа масовни народни демонстрации со барање за повлекување на владејачката партија во земјата којашто е повеќе од 40 години управувана од полковникот Моамер ел-Гадафи. Подоцна протестите прераснаа во вооружен судир меѓу владините сили и бунтовниците. Во градот Бенгази во источниот дел на Либија, бунтовниците формираа Преоден национален совет, кој се прогласи за единствен легитимен орган во земјата. Некои западни земји го признаа легитимитетот на Националниот совет на Либија, од кои некои испратија во Бенгази свои претставници.Советот за безбедност на ОН на 17-ти март ја усвои резолуцијата 1973 со која се повикува на воведување зона за забранети летови над Либија и ја отвора можноста за странска воена интервенција во врска со ситуацијата во оваа северноафриканска земја. Операцијата на коалициските сили започна на 19-ти март, а неколку дена подоцна командата на операцијата беше префрлена во НАТО./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.