Свет
Републиканецот Полени ја започна претседателската трка во САД
Републиканецот Тим Поленти денеска ја започна својата кампања за партиска номинација за претседател на САД, со ветување дека ќе ја намали улогата на државата и ќе ги укине популарните федерални социјални програми
Републиканецот Тим Поленти денеска ја започна својата кампања за партиска номинација за претседател на САД, со ветување дека ќе ја намали улогата на државата и ќе ги укине популарните федерални социјални програмиПоранешниот гувернер на сојузната држава Минесота пред насобраните поддржувачи во градот Де Моан најави дека постепено ќе ја качува возраста за пензионирање, ќе ја преуреди програмата за здравствена заштита на постарите лица, „Медикер“, ќе ги замрзне платите на сојузната администрација и ќе ги укине субвенциите за етанолот, горивото кое се произведува од пченица и се додава на бензинот.Започнувајќи ја кампањата во државите кои први ги одржуваат партиските избори, Поленти себе си се претстави како „сериозен човек за сериозни времиња“, кој има храброст на Американците да им ја каже вистината за времињата со кои се соочуваат САД.„Мораме да ја кратиме потрошувачката и тоа на големо. Тешката вистина е дека повеќе нема никакви „свети“ програми“, рече Поленти. Тој призна дека гласачите, можеби, тешко ќе ја прифатат неговата програма, но додава дека се надева оти американската јавност е гладна за претседател кој ќе биде чесен и кој ќе носи тешки одлуки. Во својот говор Поленти тешко го искритикува претседателот Барак Обама и го обвини за високата невработеност , а неговата реформа на здравството „неублажена катастрофа“. Иако е меѓу главните кандидати за републиканската номинација, 50-годишниот Поленти е меѓу најмалку познатите политичари на национално ниво. Дури 50 проценти од републиканските гласачи вели дека никогаш не чуле за него, а во повеќето анкети добива едноцифрена поддршка. „Тој е прифатлив за сите во партијата. Главен проблем е што не е национално познат и што не можеме да држиме чекор со Ромни во прибирањето на средства“, вели поранешниот конгресмен, а сегашен советник на Поленти, Вин Вебер.Противкандидатот на Поленти, Мит Ромни,поранешен гувернер на Масачусетс, кој се кандидираше и на минатите избори но изгуби, овој месец објави дека собрал 10 милиони долари за својата кампања во само еден ден, што е подвиг што ретко кој кандидат може да го повтори. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Снимка од приведувањето на три лица во БиХ кои на Тикток објавија дека ја држат Данка
Тројца мажи кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управа за технологија, уапси три лица кои се сомничат дека преку социјалната мрежа Тикток објавиле дека се поврзани со исчезнување на девојчето Данка Илиќ.
Уапсени се Б.Т.(2002), М.Т.(2001) и З.Т.(1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.
Свет
Голем руски ракетен напад врз украинските централи, штетата е голема
Русија ги нападна термоцентралите и хидроцентралите во централна и западна Украина со проектили и беспилотни летала, во уште еден од серијата напади врз веќе оштетената енергетска инфраструктура, објави електроенергетскиот оператор „Укренерго“.
„Во масовен и комбиниран напад, руските сили повторно ги гаѓаа енергетските објекти во текот на ноќта“, објави Укренерго на Телеграм. Оштетени се термоцентралите и хидроцентралите во централниот и западниот регион“, додава операторот.
Според локалните власти и министерот за енергетика Герман Гелушенко, нападнати биле енергетските објекти во областа Камиаске во близина на градот Днепро и енергетската инфраструктура во регионите Дњепропетровск, Полтава и Черкаси.
„Објектите за производство на електрична енергија беа нападнати со беспилотни летала и проектили“, рече Гелушенко.
Најголемата приватна енергетска компанија ДТЕК потврди дека биле нападнати три нејзини термоцентрали. Дистрибутерот на електрична енергија оваа недела објави дека ДТЕК изгубил околу половина од својот производствен капацитет.
Украинската армија објави дека соборила 58 од 60 лансирани руски беспилотни летала и 26 од 39 проектили.
Регион
Два силни земјотреси го погодија југот на Грција
Земјотреси со јачина од 5,7 и 4,3 степени според Рихтеровата скала утрово го погодија југот на Грција, соопшти Геодинамичкиот институт во Атина.
Земјотрес со јачина од 5,7 степени се случи во 9 часот и 12 минути на подрачјето на Јонското Море, а минута претходно е регистриран земјотрес со јачина од 4,3 степени, пренесува Катимерини.
Двата земјотреси беа почувствувани во многу региони на Грција, вклучувајќи ја и Атика. Професорот по динамичка тектоника и применета геологија Ефтимис Лекас на платформата Х напиша дека нема повредени и дека не е причинета штета, додека директорот на Геодинамичкиот институт Атанасиос Ганас рече дека причината што не е причинета материјална штета е тоа што зградите во областа се изградени според строги антисеизмички прописи.
Ганас изјави дека земјотресот со јачина од 5,7 степени според Рихтеровата скала бил на длабочина од 20 километри, во централното Јонско Море, на допир на евроазиската и африканската плоча. Жителите од погодените подрачја велат дека противпожарните патроли ги утврдуваат сите проблеми предизвикани од земјотресите.