Свет
Хејг вели дека Либија не е нов Ирак
Британскиот министер за надворешни работи Вилијем Хејг ги отфрли ставувањата на јавноста дека западните држави со нивната кампања против либискиот лидер Моамер –ел-Гадафи ќе бидат вовлечени во судир идентичен како во Ирак
Франција, Велика Британија и САД ги предводат воздушните напади врз Либија кои почнаа во март откако на 17-ти февруари Советот за безбедност при Обединетите Нации со резолуцијата 1973 одобри употреба на мерки за заштита на цивилното населени од нападите на силите лојални на либискиот лидер Моамер ел-Гадафи. Тие предвидуваат воспоставување зона за забранети летови над либиската територија како и контрола врз поморскиот сообраќај заради обезбедување на ембаргото за увоз на оружје за Либија. И Ричард Данат, поранешниот командант на британската армија денеска направи споредба меѓу операцијата во Либија и воената кампања во Ирак во која западнитре здружени сили се соочија со жесток и крвав отпор на копното. „Се’ е поинаку отколку во Ирак, бидејќи во ирачкиот случај беа распоредени голем број копнени сили од западните земји“, изјави шефот на британската дипломатија Вилијем Хејг за BBC Radio 4. Како што додал Хејг, тоа сигурно не е случај сега „и нема да биде“ во Либија. „Правилно е да се каже на потребата од политички процес кога Гадафи ќе замине и тоа е нешто околу што разговараме со Преодниот национален совет во Либија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.