Свет
Гадафи е подготвен на достојно повлекување од власта?!
Лидерот на Либиска Џамахирија, полковникот Моамер ел-Гадафи е подготвен да замине од власта достоинствено, под услов нему и на неговото семејство да им биде гарантирана безбедноста“, пишува во неделата арапскиот весник „Аш-Шарк ал-Авсат“.
Лидерот на Либиска Џамахирија, полковникот Моамер ел-Гадафи е подготвен да замине од власта достоинствено, под услов нему и на неговото семејство да им биде гарантирана безбедноста“, пишува во неделата арапскиот весник „Аш-Шарк ал-Авсат“.„Синот на полковникот Гадафи, Сеиф ал-Ислам ја предводи работната група составена од официјални лица и претставниците на владата кои бараат решенија за либиската криза, којашто претпочита безбедно и достоинствено повлекување на неговиот татко од власта“, пишува арапскиот весник повикувајќи се на извор од непосредна окружување на либискиот водач Моамер ел-Гадафи. Според изворот, и покрај фактот дека во сите негови јавни изјави, Гадафи и неговите помошници категорично ја отфрлаат идејата за напуштање на власта на либискиот лидер, постојат и други скриени канали за комуникација, преку кои се дискутира за овие прашања. „Гадафи е заинтересиран за достојно заминување од власта, при што ќе биде исклучена можноста од негово гонење или на кој и да е од членовите на неговото семејство и блиски соработници“, пишува меѓу другото во статијата на „ Аш-Шарк ал-Авсат“. Тој, исто така бара гаранција дека во иднина нема да биде гонет на меѓународната сцена под никакви околности, тврди весникот. Истовремено, весникот истакнува дека во рамките на семејството и во потесниот круг на соработниците на Гадафи нема согласност за ова прашање. „Некои предлагаат да се продолжи со битката до последниот куршум, до последната капка крв, додека други веруваат дека е време да се напушти власта“, пишува весникот. Конфликтот во Либија започна со масовни протести против режимот на Гадафи во средината на февруари и ескалираше во вооружени судири на крајот на месецот. Либискиот лидер ја изгуби контролата над источните области на земјата, вклучувајќи го вториот по големина град Бенгази. На 27-февруари востаниците формираа Преоден национален совет кој се прогласи за единствен легитимен орган во земјата. Неколку земји веќе го ја признаа советот и водат преговори со неговите претставници./крај/рн/сн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.