Свет
Израел нема да дозволи новa „Флотила на слободата“
Израел повторно ќе ја блокира „Флотилата на слободата“, која планира да стигне до бреговите на Газа, изјави на прес-конференција во Москва, израелската амбасадорка во Русија, Дорит Холендер
Меѓународната организација за човекови права соопшти дека има намера на крајот од јуни да организира конвој од десетина бродови со хуманитарна помош и стотици поддржувачи на палестинската независност кон појасот Газа.„Ставот на Израел е јасен, и е ист како и при претходните обиди да се организира оваа флота. Сета хуманитарна помош која е наменета за појасот Газа, може да биде насочена кон оние правци кои се прифатени со меѓународните конвенции. Кога стоката пристигнува во пристаништето Хаифа, Израел секогаш ја проследува хуманитарната помош“, рече израелската амбасадорка. Според неа, Израел нема да дозволи провокации а обидот да се организира „Флотила на слободата“ е „очигледна провокација“. „Флотилата апсолутно не е неопходна. Доколку сакате да испратите хуманитарна помош, тоа треба да се направи по сите канали кои постојат. Израел нема да дозволи транспорт на оружје, кое секогаш паѓа во рацете на Хамас и другите терористички организации“, додаде Холендер.Претстојниот хуманитарен конвој е наречен „Флотила на слободата 2“. Првата „Флотила на слободата“ којашто се состоеше од шест бродови, беше пресретната од израелските командоси. За време на операцијата при давање жесток отпор загинаа девет членови на конвојот (осум турски државјани и еден државјанин на САД со турско потекло) од турскиот брод „Мави Мармара“ на кој имаше и тројца македонски државјани. По инцидентот што предизвика жестока меѓународна критика, Израел го либерализираше режимот за доставување хуманитарна помош преку копнените гранични премини кон палестинската енклава, но на сила остана целосната поморска блокада на појасот Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.