Свет
Мароканците ги поддржаа уставните реформи на кралот
Повеќе од 98 отсто Мароканци гласале за ревизија на уставот, соопшти синоќа мароканскиот министер за внатрешни работи Таиб Шеркауи, по пребројувањето на гласовите на 94 отсто од избирачките места.
Повеќе од 98 отсто Мароканци гласале за ревизија на уставот, соопшти синоќа мароканскиот министер за внатрешни работи Таиб Шеркауи, по пребројувањето на гласовите на 94 отсто од избирачките места.
На гласањето излегле 72.65 отсто граѓани. Со реформата во Уставот ќе се ограничат овластувањата на мароканскиот крал во полза на премиерот.
Мароканското улично движење „20-ти февруари“ не наиде на масовна поддршка како во Тунис и Египет. Тоа бара само намалување на кралските овластувања на ниво на овластувањата на британскиот и шпанскиот монарх, а не негово заминување од власта.
Новиот устав и’ доделува повеќе овластувања на извршната власт, но кралот останува на чело на војската, верските власти и правосудството и натаму има право да го распушти парламентот, но не еднострано како досега.
Ревидирањето на мароканскиот устав започна пред три месеца кога по масовниот бунт од февруари, властите соопштија дека имаат намера да преземат чекори за демократизација на политичкиот систем на земјата. Во своето обраќање до нацијата од 9-ти март годинава, кралот Мохамед Шести објави дека ќе има уставни реформи.
Светската заедница и Мароканците реагираа различно на претстојниот референдум. Европската унија ги поздрави главните елементи на новиот устав на Мароко. Во заедничката изјава на ЕУ, шефот на дипломатијата и еврокомесарот за проширување, Кетрин Ештон и Стефан Фуле, изјавија дека целосното завршување на уставните реформи е важен чекор напред во процесот на реформите иницирани во Мароко. Од друга страна, дел од јавноста во Мароко негативно го коментираше претстојниот референдум. На пример, најголемиот синдикален сојуз во Мароко, „Демократската конфедерација на трудот“, повика на бојкот на референдумот за новиот устав.
Мароканската опозиција бара пренесување на сета извршна власт во земјата на избрани функционери, а исто така го критикуваше новиот нацрт-уставот, нарекувајќи го „вообичаен трик на власта“ којашто не сака воспоставување вистински демократски систем. Опозицијата бара спроведување уставни реформи кои ќе обезбедат реални промени а не само формално воспоставување на парламентарна монархија во Мароко. /крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Авион со 200 луѓе слета во Јапонија, по слетувањето, почна да чади
Јапонскиот државен радиодифузен сервис NHK објави дека се издигнал чад од авионот на All Nippon Airways, кој денеска слета на аеродромот „Шин Читозе“ во Јапонија.
Летот 71 полета од аеродромот „Ханеда“ во Токио со 200 луѓе. Нема извештаи за повредени.
NHK јавува дека чадот, кој се гледал од пределот на крилата по слетувањето, исчезнал кога моторот престанал да работи. Причината за чадот може да биде истекување нафта, според NHK. Индикаторот во пилотската кабина покажа губење на притисокот на маслото во системот што го контролира авионот.
Една од двете писти на аеродромот „Читосе“ беше затворена по инцидентот.
Во јануари, авион на „Јапонија ерлајнс“ и авион на крајбрежната стража се судрија на аеродромот „Ханеда“ и се запалија. Сите 379 патници и членови на екипажот на JAL се евакуирани, но загинаа пет члена од авионот на крајбрежната стража.
Свет
Путин: Сите вмешани во терористичкиот напад во „Крокус сити хол“ кај Москва мора да бидат казнети
Сите поттикнувачи, спонзори и организатори на терористичкиот напад на концертната сала „Крокус“, во предградието на Москва, мора да бидат идентификувани и казнети, изјави рускиот претседател, Владимир Путин.
„Руските разузнавачки и агенциите за спроведување на законот го истражуваат и испитуваат секој детаљ од овој грозоморен терористички чин во ‘Крокус’ идентификувајќи ги сите инволвирани страни, вклучително и поттикнувачите, спонзорите и организаторите. Никој од нив не смее да избега од праведна казна“, нагласи Путин.
Зад терористичките напади во разни делови на светот стојат и радикални групи и разузнавачки служби на одделни земји, рече рускиот лидер, пренесен од руските медиуми.
„Несомнено, меѓународниот тероризам останува една од најголемите закани на 21 век“, истакна Путин.
.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.