Свет
Приврзаниците на Асад ја напуштија американската амбасада во Дамаск
Поддржувачите на сирискиот претседател Башар ал-Асад кои во понеделникот се пробија до американската амбасада во Дамаск, ја напуштија нејзината територија, а безбедносните служби пред француската дипломатска мисија одбија сличен напад, јавува Reuters.
Поддржувачите на сирискиот претседател Башар ал-Асад кои во понеделникот се пробија до американската амбасада во Дамаск, ја напуштија нејзината територија, а безбедносните служби пред француската дипломатска мисија одбија сличен напад, јавува Reuters.Официјални лица на амбасадата на САД ги карактеризираа дејствијата на сириските власти за спречување на нарушување на нејзината неприкосновена територија како „бавни и несоодветни“. За тоа какви мерки биле преземени за да се спречат немирите , не се соопштува.Според агенцијата, во близина на амбасадата на Франција избил судир меѓу поддржувачите на сириските власти и полицијата која успеала да ги разбие напаѓачите, користејќи огнено оружје стрелајќи во воздух. Сепак, како што јавува агенцијата, лојалистите на Асад се’ уште се групирани во близина на француската амбасада во Дамаск. Министерството за надворешни работи го изрази својот „остар“ протест на сириската амбасадорка во Париз, Ламија Шакур откако во Сирија избија инциденти за време на протестите против посетата на францускиот амбасадор на градот Хама зафатен од големи народни немири против властите на претседателот Башар ал-Асад.Нападите на двете амбасади уследија третиот ден од протестите кои беа предизвикани од посетата на амбасадорите на САД и на Франција на Хама. Очевидец кој се идентификувал како Хаим ал-Хасан, изјавил дека околу 300 лица се собрале пред француската амбасада, додека стотици други протестирале пред дипломатското претставништво на Соединетите држави. Во неделата Стејт департментот објави дека од масата врз американскиот дипломатски комплекс биле фрлани разни предмети, а двајца службеници биле гаѓани со храна. Кон крајот на минатата седмица овој град, центар на големите протести против сириските власти, исто така, го посети американскиот амбасадор Роберт Форд. Сириските власти го оценија гестот на Форд како „политика која ќе ја влоши ситуацијата“, што претставува закана за безбедноста и стабилноста на земјата. Амбасадорот Форд, пак, ги повика сириските власти да не ја користат неговата посета во политички цели. Во соопштението на сириското министерство за внатрешни работи емитувано на сириската државна телевизија, се наведува дека американскиот амбасадор во Хама се сретнал „со терористите и ги повика да протестираат, насилство и отфрлање на дијалогот“.Двајцата дипломати во неделата беа повикани во министерството за надворешни работи на Сирија, коешто ги обвини за „отворено мешање во внатрешните работи на Сирија“.Сирија секојдневно повеќе од три и пол месеци е потресувана од масовни протести. Тие почнаа во средината на март во јужниот град Дера’а, а потоа брзо се проширија во другите делови на земјата. Во судирите со безбедносните сили, според сириските активисти за човекови права, загинале повеќе од 1.350 луѓе.Според официјални извори, безредијата се поттикнати од акциите на „вооружените терористички елементи“, кои сириските власти ги обвинија за насилството во земјата,. Притоа се наведува дека во судирите загинале 340 војници и припадници на безбедносните сили./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јужнокореец уби 76 мачки, почнал да ги мрази откако му го изгребале автомобилот
Маж од Јужна Кореја е осуден на 14 месеци затвор за убиство на 76 мачки во еден од најлошите случаи на суровост кон животните во Јужна Кореја во последните години.
Човекот, кој има 20 години, беше осуден за кршење на јужнокорејскиот закон за благосостојба на животните минатата недела, соопшти Окружниот суд Чангвон во југоисточна Јужна Кореја. Судот не го објави името на човекот.
Човекот убивал мачки од декември 2022 година до септември 2023 година поради омразата кон животното која ја развил откако други мачки му го изгребале автомобилот, се наведува во образложението на пресудата.
Тој фатил мачки скитници и посвоил други од интернет-страниците пред да ги задави некои до смрт, а други да ги убие со ножици, смета судот.
Со автомобил прегазил една мачка.
Судот процени дека затворската казна е неизбежна затоа што тој постојано правел „неописливо сурови“ злосторства со предумисла.
Нагласено е дека изречената казна сепак го одразува фактот дека мажот немал криминално досие и се кае за сторените кривични дела, додавајќи дека е утврдено дека неутврденото психичко здравје на мажот било мотив за делата.
Човекот ја обжали пресудата.
„Овој случај на суровост, исто така, ја истакнува важноста од измена на Граѓанскиот законик за правно признавање на животните како живи суштества и дополнително зајакнување на нивната правна заштита“, рече Борами Сео, директор на јужнокорејската канцеларија на Humane Society International.
Свет
Убиен рапер, пронајден во хотелска гаража откако бил застрелан: Џастин Бибер јавно се прости од него
Раперот Крис Кинг почина во саботата во Нешвил, Тенеси.
Крис бил ранет околу 2 часот и 30 минути кога бил со пријателите во уличка, соопшти полицијата, пренесува „Пипл“.
Како што се наведува понатаму, тројца мажи им пришле и се обиделе да ги ограбат, а Кинг и уште еден маж биле ранети. Напаѓачите побегнале, а раперот бил пронајден во гаража на хотел.
View this post on Instagram
Веднаш бил пренесен во болница, но таму починал.
32-годишниот рапер беше близок пријател со пејачот Џастин Бибер, кој јавно се прости од него.
“Те сакам брат. Ова боли“, напиша Џастин Бибер, пренесува гореспоменатиот медиум.
Свет
Хамас повика на ескалација на сите фронтови
Портпаролот на вооруженото крило на Хамас, Бригада ал-Касам, повика на ескалација на сите фронтови во телевизискиот говор по повод 200 дена од почетокот на војната меѓу Израел и Хамас во Појасот Газа на 7 октомври 2023 година.
Во видеото објавено од Ал Џезира, Абу Убаида го пофали нападот на Иран врз Израел на 13 април, велејќи дека директните напади со беспилотни летала и ракети „поставуваат нови правила, повлекоа важни паралели и ги збунија непријателот и оние што стојат зад него“.
Тој повика и на ескалација на Западниот Брег и во Јордан, велејќи дека тоа е „еден од најважните арапски фронтови“.
„Го повикуваме јорданскиот народ да ги засили своите акции и да го крене својот глас“, рече тој.
Абу Убаида рече дека Хамас останува на барањата што ги постави на разговорите за прекин на огнот, односно бара Израел да ја прекине воената офанзива, да ги повлече своите сили од Појасот Газа, да им дозволи на раселените да се вратат во северниот дел на Појасот Газа и да ја укине блокадата.
Во меѓувреме, Израел ги засили нападите низ Појасот Газа во вторникот, рекоа жителите, додавајќи дека тоа е едно од најлошите гранатирања во последните неколку недели. Армијата нареди нова евакуација на северот од палестинската енклава, предупредувајќи ги цивилите дека се наоѓаат во „опасна борбена зона“.
Во соопштението за платформата X, портпаролот на израелската армија Авичај Адраи ги повика жителите на четири зони во Беит Лахиа во северниот дел на Појасот Газа да се преселат во засолништа во две одредени области.
Новото гранатирање и бомбардирање на северниот дел на Појасот Газа доаѓа речиси четири месеци откако израелската армија објави дека ги повлекува своите војници, тврдејќи дека Хамас повеќе не ги контролира областите.
Израел, исто така, овој месец повлече поголем дел од своите сили од јужниот дел на Појасот Газа. Но, обидите да се постигне прекин на огнот не успеаја, а израелските бомбардирања и упади на територијата од која војниците се повлекоа го отежнуваат враќањето на раселените во своите домови.