Свет
Путин за трагедијата на Волга ја обвини алчноста
Рускиот премиер Владимир Путин, допатува во Казан, каде за несреќата на бродот Булгарија, во која загинаа најмалку 113 луѓе, вклучувајќи и многу деца, ја обвини „неодговорноста и алчноста“.
Рускиот премиер Владимир Путин, допатува во Казан, каде за несреќата на бродот Булгарија, во која загинаа најмалку 113 луѓе, вклучувајќи и многу деца, ја обвини „неодговорноста и алчноста“. Путин во Татарстан, чии главен град е Казан, допатува четири дена по несреќата и положи ружи во речното пристаниште од кое исплови бродот Булгарија на своето последно патување. Рускиот премиер нареди истрага за да се утврдат причините за несреќата, и ја нападна компанијата која го изнајмила бродот, чии директор вчера беше уапсен, како и инспекторот за речна пловидба. „Како на компанија без дозвола за туристичка дејност и било дозволено да исплови со тие бродови? Кој го дозволи тоа? Мораме да ги анализираме правилата кои владеат во овој сектор и да воведеме построг надзор“, рече Путин. „По најлошата бродска несреќа во Русија, во последните три децении, дваесет луѓе се уште не се пронајдени, се претпоставува дека тие се мртви, а нуркачите ја завршуваат претрагата на бродот кој потона во неделата“, изјави претставникот на регионалното министерство за вонредни состојби Игор Паншин. Инаку трагедијата во која животот го загубија триесет деца, ги разлути Русите, кои го губат трпението за неспособноста на државата да го остави зад себе советското наследство на корупција и неодговорност.„Ужасно е што поради неодговорност, алчност и грубо кршење на законите на безбедноста мораме да ја платиме оваа цена“, рече Путин, чија изјава е одраз на гневот на народот. крај/х/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.