Свет
На швајцарските Алпи загинаа пет алпинисти
Пет алпинисти загинаа во петокот во јужниот дел од швајцарските Алпи во одвоени случаи по пад од неколку стотина метри, соопшти локалната полиција.
Пет алпинисти загинаа во петокот во јужниот дел од швајцарските Алпи во одвоени случаи по пад од неколку стотина метри, соопшти локалната полиција.Според портпаролот на кантоналната полиција на регионот Валишки Алпи, група од седум германски алпинисти во петокот тргнала во освојување на врвот Лагинхорн. Меѓутоа, како што се наведува во соопштението на полицијата, тие меѓусебно не биле поврзани со безбедносните јажиња/Околу сто метри од врвот Лагинхорн висок 3.971 метар, на височина од 3.850 метри, еден од германските алпинисти кои во петокот се искачувале на Алпите, ја изгубил рамнотежата и паднал при што веднаш загинал. Тројца германски алпинисти загинале при искачување кон глечерот Меитен. Според претпоставките, еден од нив паднал во бездната и со себе ги повлекол двајцата свои колеги, се наведува во друго соопштение на швајцарската полиција Во следната несреќа во истиот регион на швајцарските Алпи во петокот настрада уште еден германски алпинист кој загина симнувајќи се од врвот Пти Мон-Колон.Од почетокот на сезоната во овој регион на Швајцарија животите ги загубија 13 алпинисти./крај/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.