Свет
„Атлантис“ слета, заврши тридецениската шатл програма на НАСА
Вселенскиот шатл „Атлантис“ изутринава за последен пат слета на пистата на Вселенскиот центар „Кенеди“ во Флорида, со што стави крај на 30-годишната историја на оваа програма на американската вселенска агенција НАСА
Вселенскиот шатл „Атлантис“ рано изутрина за последен пат слета на пистата на Вселенскиот центар „Кенеди“ во Флорида, со што стави крај на 30-годишната историја на оваа програма на американската вселенска агенција НАСА„Атлантис“, кој во својот работен век измина 8,4 милиони километри, го започна согорувањето на ткн. деорбитирање при влезот во атмосферата на Земјата, во текот на кое моторите ќе работат само малку над три минути со цел да ја забават огромната брзина со која шатлот влегува во атмосферата, во 10 часот и 49 минути. „Хјустон, мисијата е комплетирана“, кратко јави командантот на шатлот Крис Фергусон, на што од контролата на мисијата ја искористија приликата да му честитаат и на екипажот, но и на илјадниците професионалци и волонтери кои помогнаа во тридецениската програма „која што инспирираше милиони луѓе ширум планетата“.Слетувањето на „Атлантис“ означи и крај на ерата во која САД доминираа со вселенските истражувања со човечки екипаж, оставајќи Русија како единствена вселенска сила која може да врши повратен транспорт до вселенската станица. Крајот на оваа програма исто така се поистовети со 42-годишнината откако првиот човек, американскиот астронаут Нил Армстронг, стапна на месечината на 20-ти јули 2969 година. Во текот на програмата, пет ракетоплани на НАСА, „Атлантис“, „Челинџер“, „Колумбија“, „Дискавери“ и „Ендевор“ ја сочинуваа флотата дизајнирана да биде првата флота од вселенски летала кои може повеќекратно да се употребуваат. Првиот лет шатлот го имаше на 12-ти април 1981 година. Ракетопланите „Челинџер“ и „Колумбија“ беа уништени во несреќи во кои загинаа и нивните екипажи, вкупно 14 астронаути, со што во флотата останаа само три ракетоплани и „Ентерпрајс“, прототип кој никогаш не доби шанса да полета во вселената. Астронаутскиот оддел на НАСА сега брои само 60 луѓе, споредено со 128 во 2000-та година, а илјадници луѓе веќе се отпуштени од своите работни места во Вселенскиот центар „Кенеди“, што предизвика силни критики дека НАСА е без визија и целосно ќе го загуби приматот во оваа област. Но, администраторот на вселенската агенција, чарлс Болден, тврди дека идните мисии подлабоко во вселената, на кои сега ќе им се посвети агенцијата, наскоро ќе го вратат угледот на НАСА.„Претседателот ни даде задача: до 2025 година да слетаме на астероид, а до 2030 година да бидеме подготвени за мисија на Марс со човечки екипаж. Не чека огромна работа“, вели Болден.Пистата е на само неколку километри од местото каде што „Атлантис“, заедно со другите ракетоплани, ќе биде поставен како музејски експонат. /крај/Aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Почна нова детална потрага по Данка, пристигнаа спасувачки екипи со куче
Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во Бањско поле и рано утринава започнале детално пребарување на просторот околу куќата пред која исчезнало двегодишното девојче.
Екипите се состојат од 18 пожарникари-спасувачи со 5 теренски возила и едно куче.
Припадниците на српската полиција во континуитет ги преземаат сите мерки и дејствија за пронаоѓање на девојчето и утврдување на сите факти и околности за нејзиното исчезнување, информираат од Министерството за внатрешни работи на Србија.
Што правеа багерите вчера околу куќата од каде што исчезна Данка
Вчера околу куќата каде исчезна Данка во Бањско поле имаше два багери.
Според Телеграф.рс, багерите првенствено работеле на расчистување на теренот бидејќи куќата била опкружена со депонија, па полицијата за полесни претреси го расчистува просторот од гломазен и друг отпад.
„Сечат дрвја и го отстрануваат отпадот бидејќи околу куќата има депонија“, јави репортер од местото на настанот.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Регион
Силен земјотрес ја погоди Бугарија
Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ.
Земјотресот е регистриран во 8:38 часот по локално време, на четири километри од Девин, на длабочина од девет километри.
🔔#Earthquake (#земетресение) M3.8 occurred 6 km SW of #Devin (#Bulgaria) 4 min ago (local time 08:38:05). More info at:
📱https://t.co/IbUfG7TFOL
🌐https://t.co/MSdvNiasPN
🖥https://t.co/ycq6JSIzuY pic.twitter.com/jACmTRndoJ— EMSC (@LastQuake) March 29, 2024
Речиси половина час пред овој земјотрес Бугарија ја погоди потрес со јачина од 2,4 степени според Рихтеровата скала.
Забележан е во 8:09 часот по локално време.
Во 08:42 часот е регистриран и трет земјотрес со јачина од 2,2 степени според Рихтеровата скала.
Засега нема информации за повредени или материјална штета.