Свет
Уште еден хеликоптер на НАТО се урна во Авганистан
Втор хеликоптер на американските воени сили во составот на НАТО во Авганистан за само неколку дена се урна во источниот дел од земјата, додека друг истовремено имаше тешко приземјување во провинцијата Пактиа.
Втор хеликоптер на американските воени сили во составот на НАТО во Авганистан за само неколку дена се урна во источниот дел од земјата, додека друг истовремено имаше тешко приземјување во провинцијата Пактиа. Според официјалните лица, хеликоптерот на НАТО се урна денеска во источниот град Зармат, во провинцијата Пактиа, но сè уште не се знае точниот број на жртвите, јавува дописникот на Press TV.Од друга страна, талибанските претставници тврдат дека во второто уривање на воен американски хеликоптер загинале 33 американски војници.Исто така, уште еден хеликоптер на НАТО имал тешко приземјување во истата област во источниот дел на провинцијата Пактиа, доцна навечер во неделата, изјавиле очевидци за Press TV. Според нивните изјави, меѓународните сили предводени од НАТО го обезбедуваат местото на инцидентот.Според нив, наводно и во овој инцидент имало човечки жртви, но не постојат потврди за евентуален број загинати или повредени.Во меѓувреме, Алијансата издаде соопштение во кое го потврди принудното слетување на својот хеликоптер. Во соопштението се посочува дека нема повредени ниту загинати, како и дека е започната истрага за инцидентот.Во сличен инцидент од саботата, загинаа 31 припадник на американските специјални единици откако се урна хеликоптер на Меѓународните безбедносни сили на НАТО за помош на Авганистан (ИСАФ), во источната провинција Вардак Во истата несреќа загинаа и седум авганистански офицери. Талибаните ја презедоа одговорноста за саботната хеликоптерската несреќа, но НАТО соопшти дека започна истрага за инцидентот./крај/птв/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.