Свет
Турција ја повика Сирија на прекин на насилството
Турскиот министер за надворешни работи, Ахмет Давутоглу го повика денеска сирискиот претседател Башар ал-Асад на прекин на крвопролевањето во неговата држава и покренување на демократски реформи.
Турскиот министер за надворешни работи, Ахмет Давутоглу го повика денеска сирискиот претседател Башар ал-Асад на прекин на крвопролевањето во неговата држава и покренување на демократски реформи.„Се надеваме дека во наредните денови ќе бидат преземени мерки за прекин на крвопролевањето и дека ќе се отвори пат за процес на политички реформи“, изјави Давутоглу на аеродромот во Анкара, по враќањето од еднодневната посета на Сирија.„Имавме можност искрено и отворено да разговараме за мерките кои што би требало да се преземат со цел армијата и народот да не се најдат на спротиставена страна и настаните од Хама повеќе да не се повторат“, рече Давутоглу.Тој информираше дека разговорот со сирискиот лидер траел шест часа, од што тие двајцата повеќе од три часа разговарале во четири очи. /крај/х/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.