Свет
Најмалку 39 убиени во Карачи
Најмалку 39 луѓе се убиени во средата и четвртокот во Карачи, мегаполисот во јужен Пакситан, каде што беснеат политичко-гангстерските пресметки, соопшти во четвртокот локалната полиција
Поранешниoт парлемантарец на владејачката Пакистанската народна партија, Ваџа Каримдад, е една од жртвите на насилството кои продолжуваат во најнаселениот пакистански град и покрај распоредувањето на дополнителните воени и паравоени сили во Карачи во последните два дена.„Податоците за убиените од средата наутро до четвртокот попладне, зборуваат за 39 жртви“, изјави за AFP началникот на полицијата во КАрачи, Суад Мирза.Најкрвавите напади според него се одигралеdиграле во квартот Лиара, во јужниот дел од градот, како и во уште неколку квартови.Според Мирза, по распоредувањето на засилувањето на неколкуте стотини преипадници на безбедносните сили, ситуацијата во овие квартови постепено се смирува. Меѓу жртвите од изминатите седмици повеќето се активисти на движењето Мутахида Кауми (Muttahida Qaumi Movement – MQM) и Пакистанската народна партија (Pakistan People’s Party – PPP).Во јули во Карачи се убиени околу 200 лица, што е најсмртоносниот месец последните две децении, цитира Reuters извори од локалната полиција. Според локалните власти, засега не е јасно што директно го предизвика последниот бран насилство, кој започна во западниот дел на градот.Убиствата се случуваат во разни делови од градот. Неидентификувани вооружени лица, кои припаѓаат, според написите во локалниот печат, на спротиставени етнички и политички групи, отвораат оган врз автомобили, комбиња, па дури и автобуси од градскиот сообраќај.Во градот се ангажирани повеќе од илјада припадници на погранично-ренџерските единици од областите на пакистанскo-авганистанската граница. Властите се надеваат дека присуството на војниците ќе помогне за стабилизирање на ситуацијата.Карачи неодамна беше сцена на многу пресметки меѓу криминални групи и спротивставените политички групации и движења. На улиците на 15-милионската метропола најчесто жртви се членовите на завојуваните страни, а особено припадниците на „Авами нејшнл парти“ (Националната народна партија) којашто ги претставува Паштуните, а на спротивната страна од неа е движењето „Мутахида коми мувмент“, која ги обединува припадниците на заедниците кои го говорат урду јазикот, бегалци од Индија и нивните потомци.Чести се судирите меѓу етничките групи, чиј интензитет се зголемува од година во година. Политичките групации инаку веќе подолго време одржуваат во своите редови и вооружени парамилитантни групи.Мухаџирите (преведено од урду јазикот „бегалци“), чиишто семејства се доселиле во Карачи по поделбата на Британска Индија во 1947 година, кои ги обвинуваат Паштуните дека „организираат мафија“ и со гангстерски методи ја држат контролата врз трговијата и градежништвото во градот. Мухаџирите, исто така, се загрижени што во паштунската заедница се сé популарни идеите што ги шири радикалното исламистичко движење – талибаните. Од друга страна, Паштуните тврдат дека се дискриминирани по етничка основа, и тие не можат да добијат добра работа и да имаат нормални животни услови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.