Свет
Западот стравува дека парите и оружјето на Гадафи ќе паднат во рацете на Ал Каеда
САД, Велика Британија и Франција се обратија до соседните земји на Либија да ги зајакнат граничните контроли за да се спречи изнесувањето во странство на пари, злато и оружје на режимот на Моамер ел-Гадафи, пишува во средата алжирски весник „Ал-Khabar“
Западот стравува дека парите, оружјето а можеби и многу токсични хемикалии, може да дојдат во рацете на глобалната терористичка мрежа Ал Каеда, особено на нејзините ќелии коишто се активни во Северна Африка познати како „Ал Каеда во земјите на исламскиот Магреб“. Овие средства, според западните земји, може да бидат искористени од страна на екстремисти за терористички акти, кои би можеле да бидат изведувани и во европските земји. Соодветни писма, според алжирскиот дневен весник, по доверливи дипломатски канали биле испратени до раководствата на Алжир, Тунис, Египет, Чад и Нигер. Во пораката, наводно, особено се укажувало на тоа дека во Либија е можно сé уште да е сокриено одредено количество оружје за масовно уништување, што му беше на располагање на режимот на либискиот водач полковникот Моамер ел-Гадафи од чиешто производство и употреба тој се откажа пред неколку години. Покрај тоа, Западот ги предупреди соседните земји на Либија да не им даваат азил или дозвола за транзит преку нивните територии на сите членови на владејачкиот режим во Либија, особено на оние за чиешто апсење инсистира Меѓународниот кривичен суд поради нивна инволвираност во хуманитарни злосторства. Либискиот бунтовници го завладеаја најголемиот дел од главниот град Триполи на 22 август. Но, досега ниту еден од високите функционери на владејачкиот режим, вклучувајќи го и самиот Гадафи не се уапсени. За судбината на два најбарани претставници на стариот режим – Моамер ел-Гадафи и неговиот син Сеиф ал-Ислам, исто така, сé уште не се знае за ништо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Свет
Десетгодишно дете призна дека убило човек пред две години, полицијата во Тексас во шок
Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им кажало на инспекторите дека убил човекот пред две години без никаква причина, соопштија органите на редот.
Според законите во Тексас, детето не може да биде обвинето за злосторството бидејќи во моментот на убиството имало помалку од 10 години, пренесува CBS News.
Момчето им кажало на училишните службеници дека пукало и убило човек во 2022 година, соопшти канцеларијата на шерифот на округот Гонзалес.
Како што е наведено, момчето им дало на истражителите информации за убиството на 32-годишниот Брендон О’Квин Резбери на 18 јануари 2022 година во Никсон, Тексас.
Тој рече дека тој ден бил кај својот дедо на гости во паркот за кампери во близина на местото каде што живеел Резбери, и дека извадил пиштол од кабината на камионот на неговиот дедо, влегол во комбето на Резбери, пукал во него и го убил.
Тој исто така изјавил дека никогаш претходно не го видел Расбери и дека убиениот не направил ништо за да го налути.
На 12 април, инспекторите го пронајдоа пиштолот користен за убиството на Разбери во заложна продавница во блискиот град, но бидејќи детето имало помалку од 10 години кога го извршило злосторството, не може да биде обвинет за убиството во 2022 година.
Детето е обвинето во врска со заканата упатена кон соученик и се наоѓа во малолетнички притвор, каде го чека почетокот на судењето.