Свет
Основачот на ИКЕА бил нацист?
Ингвар Кoмпрад, основачот на шведскиот гигант за мебел ИКЕА, бил идентификуван како нацист од страна на шведската Служба за безбедност во 1943 година, јави шведската телевизија SVT, цитирајќи книга на еден нејзин новинар
Ингвар Кoмпрад, основачот на шведскиот гигант за мебел ИКЕА, бил идентификуван како нацист од страна на шведската Служба за безбедност во 1943 година, јави шведската телевизија SVT, цитирајќи книга на еден нејзин новинарАвторот на „А во Винервалд дрвјата си останаа“, Елизебет Асбринк, пишува за животот на Ото Улман, кој во Шведска дошол од Виена со група еврејски деца и бил сместен во семејството Кoмпрад. Тој станал пријател со Ингврид Кoмпрад и му помогнал во основањето и развојот на ИКЕА. Кoмпрад е еден од најуспешните претприемачи на светот, а ИКЕА е една од најпознатите шведски компании.Компрад, чии симпатии кон нацистите бе4а обелоденети уште во текот на 1990-те години, претходно го отфрли овој период од неговиот живот како минлива „тинејџерска збунетост“. Асбринк открила претходно непознати материјали за Компрад, како тоа дека имал досие во шведската Служба за безбедност кога имал 17 години и трошел многу време и енергија во регрутирање на нови членови на нацистичката партија. Компрад исто така бил член на шведското ултрадесничарско друштво „Ново шведско движење“, основано во 1930-те години. Ова движење од многумина беше оценето како пандан на германските и на италијанските фашисти.Во книгата е опишано и тоа дека контактите на Компрад со лидерот на ова движење, Пер Енгдал, продолжиле уште долго по крајот на Втората светска војна. Шведската телевизија истакнува дека Компрад се оградил од идејата за целосно уништување на Евреите и го осудил холокаустот, но останал критичен кон демократските принципи и и останал верен на идејата за силно раководство. Според телевизијата, тој им помогнал на норвешки и шведски нацисти да го избегнат судењето. Основачот на ИКЕА честопати го опишувал својот нацистички пријател Енгдал како „голем човек“ и истакнувал дека тоа мислење ќе го задржи до крајот на животот. Кoмпрад е роден во 1926 година. ИКЕА ја основал во 1943 година. Тој засега нема дадено коментар за книгата на Асбринк. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина тврди дека соборила руски бомбардер
Украинските воздухопловни сили денеска соопштија дека собориле руски стратешки бомбардер, за прв пат од почетокот на руската инвазија, а Москва објави дека авионот се урнал поради „технички дефект“ и дека еден член на екипажот загинал.
„За прв пат противвоздушните ракетни единици на Военото воздухопловство во соработка со одбранбеното разузнавање на Украина го уништија стратешкиот бомбардер со долг дострел Ту-22М3, кој носи крстосувачки ракети Х-22“, изјави командантот на украинските воздухопловни сили на Телеграм.
Украинската воена разузнавачка служба (ГУР) соопшти дека рускиот авион „бил соборен благодарение на специјалната операција спроведена од украинското одбранбено разузнавање во соработка со воздухопловните сили“.
Руското Министерство за одбрана не потврди дека украинската страна нападнала еден нејзин авион, но воен извор изјавил за новинската агенција ТАСС дека бомбардерот Тупољев-22М3 се урнал во регионот Ставропол по борбена мисија додека се враќал во базата. Според овој извор, авионот не носел оружје.
Свет
САД ставија вето на приемот на Палестина во ОН
Соединетите Американски Држави ставија вето на нацрт-резолуцијата на Советот за безбедност на Обединетите нации „Државата Палестина да биде прифатена како членка на ОН“.
Воздржани беа Велика Британија и Швајцарија, а „за“ гласаа Словенија, Сиера Леоне, Русија, Јужна Кореја, Мозамбик, Малта, Јапонија, Франција, Гвајана, Еквадор, Кина и Алжир.
Претходно вчера, заменик-портпаролот на американскиот Стејт департмент, Ведант Пател, потврди дека Вашингтон ќе стави вето на гласањето во Советот за безбедност на ОН наведувајќи дека нема едногласно мислење меѓу членовите на комитетот за тоа дали Палестинците ги исполнуваат критериумите неопходни за да бидат дефинирани како држава.
Палестинската управа (ПА) го осуди потегот нарекувајќи го „нефер, неетички и неоправдан“.
Кабинетот на претседателот на палестинската управа, Махмуд Абас, го нарече американското вето „еклатантна агресија …туркање на регионот преку работ“.
Израелскиот министер за надворешни работи, Израел Кац, го пофали американското вето додавајќи: „Срамниот предлог беше отфрлен. Тероризмот нема да биде награден“.
Свет
Небензја: Америка го крши духот на Палестинците, ги принудува да му се покорат на Израел
САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на Палестинците и да ги принудат да му се покорат на Израел, изјави постојаниот претставник на Русија во ОН, Василиј Небензја.
„Со користењето на ветото петтипат од почетокот на ескалацијата во Газа тие повторно го покажаа својот вистински однос кон Палестинците. Според мислењето на Вашингтон, тие не заслужуваат да имаат своја земја“, изјави Небензја.
Тој истакна дека Палестинците се само пречка на патот кон остварување на интересите на Израел.
„САД се подготвени да ги затворат очите пред злосторствата на Израел врз цивилите во Газа, да го игнорираат илегалното населување на Западен Ерусалим на Западниот Брег. Целта е да се скрши духот на Палестинците, да се натераат безусловно да се потчинат на окупаторската власт, да се претворат во слуги и луѓе од втор ред, а можеби и целосно да се искоренат и протераат од нивната родна земја“, изјави Небензја по гласањето за нацрт-резолуцијата за прием на Палестина во ОН.
Како што истакна, резултатот од гласањето во Советот за безбедност на ОН за резолуцијата за прием на Палестина во ОН како полноправна членка покажува дека САД се речиси целосно изолирани.
„Страдањата на палестинските цивили одекнуваат во срцата и душите на милиони луѓе во светот. Во земјите што доставуваат оружје за Западен Ерусалим сѐ почесто се слушаат гласовите на оние пто се за забрана на таквите испораки. Резултатите од гласањето, кога Вашингтон се најде речиси целосно изолиран, зборуваат сами за себе“, рече рускиот дипломат.
Тој оцени дека американското вето е „неплоден обид да се запре неуморниот тек на историјата“.
„Гледајќи низ прсти на најнепромислените постапки на нашиот сојузник (Израел), немањето желба за барање праведни решенија, е директен пат кон натамошно лизгање во бездната на војната што може да го зафати целиот регион“, рече Небензја.
Тој рече и дека таквата политика е недостојна за една голема сила.
„Историјата нема да ви го прости тоа. Ги повикуваме САД да го слушаат гласот на разумот и да размислат за последиците од нивните одлуки“, рече Небензја.