Свет
Најмалку 18 загинати во експлозијата на канцеларијата на ОН во Нигерија
Во експлозијата што се случи денеска претпладне по локално време во зградата на мисијата на Обединетите нации (ОН) во Абуџа, главниот град на Нигерија, загинале најмалку 18 лица, јавува Reuters, повикувајќи се на првична оценка на еден од спасувачите
Според очевидците, пред зградата на ОН во Абуџа има многу амбулантни возила кои ги пренесуваат настраданите, а од објектот се издига густ црн чад. „Можам само да потврдам дека имаше експлозија на зградата на ОН“, изјави портпаролот на полицијата во Абуџа.„Распоредивме наши полициски и деминирачки екипи. Засега не можеме да кажеме колку жртви има во експлозијата“, го цитира агенцијата полицискиот портпарол.Како што јавува Associated Press, повикувајќи се на очевидци, од силната експлозија било разурнато барем едно крило од трикатната зграда во која е сместена мисијата на ОН во Нигерија. Како што наведува агенцијата, зградата на мисијата на ОН се наоѓа во близината на амбасадата на САД во Нигерија во кварт во кој се лоцирани и други странски дипломатски мисии.Портпаролот на полицијата во Абуџа, Џимох Мошуд за AP изјавил дека сé уште не е позната точната причина за експлозијата.Исто така, засега нема потврда ниту за точниот број настрадани. Очевидци, според AP, велат дека полицијата сé’уште го пребарува местото на експлозијата во потрага по настраданите.Според AFP, кој се повикува на потврда од претставник на нигериската полиција, експлозијата ја предизвикал бомбаш самоубиец а покрај 18-те жртви има и осуммина ранети. Во тешко оштетената зграда, според полициски извори, останале заробени многу вработени во мисијата на ОН. Според очевидци, напаѓачот ја предизвикал експлозијата откако со автомобил „хонда акорд“ во кој имало експлозив се залетал во главната капија Подоцна денеска Началникот на нигериската сојузна полиција во Абуџа, Мик Зукумор на прес-конференција потврдил дека досега најмалку 18 лица ги загубиле животите во експлозијата во зградата на мисијата на ОН. Засега ниедна од локалните милитантни групи не ја презема одговорноста за нападот. Меѓутоа, сомневањата паѓаат на исламистичката секташка групација Боко Харам, којашто досега имаше изведено неколку вакви напади. Припадниците на Боко Харам во последно време ги засилија нападите врз владини цели а безбедносните сили на Нигерија го убија лидерот, Мохамед Јусуф, додека тој беше во притвор во 2009 година.Боко Харам е обвинета за бомбашки напади и престрелки во североисточниот дел на земјата. Според Меѓународната кризна група чие седиште е во Брисел, во етничките и верските конфликти во Нигерија во периодот меѓу 1999 и 2009 година загинаа повеќе до 14 илјади луѓе. Во март годинава, во централниот дел на Нигерија, имаше крвави секташки судири секташки во кои загинаа најмалку 500 луѓе. Тогаш судирите исто така се случија во близината на градот Џос. Причината за трагедијата беше расправија меѓу локалните христијани и муслимани. Жртвите на слични судири имаше и во средината на јануари 2010 година кога загинаа најмалку 326 луѓе.Големи судири меѓу ривалските етнички и религиозни групи во Џос се случија и кон крајот на ноември 2008 година. Тогаш загинаа 381 луѓе во градот а во бранот масакри беа запалени околу стотина куќи, како и цркви и џамии.Нигерискиот претседател Гудалк Џонатан во мај ја презема должноста положувајќи заклетва по изборите кои беа одржани на 16-ти април на кои се случија серии протести и безредија во кои животите ги загубија повеќе од 800 луѓе.Претседателот Џонатан, кој има целосна поддршка на југот, но освои и милиони гласови на северот, вети формирање на влада која ќе ги вклучи сите политички, етнички и религиозни групи и која ќе се обиде да ги смири недоразбирањата и тензиите.Гудлaк Џонатан доаѓа од јужниот нафтоносен дел на земјата населен претежно со христијани, јужна, Според најновите податоци од државната изборна комисија, тој доби 57 отсто од гласовите и на тој начин ја задржа претседателската функција уште по првиот круг од изборите. Неговиот главен противкандидат Бухари, кој доаѓа од северниот муслимански дел на Нигерија освои 31отсто од гласовите.Нигерија е најголемиот производител на нафта во Африка, и извезува околу 2,2 милиони барели нафта дневно. Меѓутоа, нафтената индустрија земјата трпи загуби поради честите напади што ги изведуваат борците на Движењето за ослободување на делтата на Нигер и други вооружени групи, врз објекти на „Chevron“, „Shel“ и други нафтени компании.Во јануари во четиридневните насилства според официјалните податоци биле убиени 326 луѓе во Џос, кој е главен град на нигериската сојузна држава Платеа, која се наоѓа меѓу муслиманскиот север и христијанскиот југ.Судири меѓу муслиманските милитанти и нигериската војска се разгоруваат повремено во регионите Борно, Потискум и Јоба. Спорадични пресметки има и во провинцијата Вудилу, на околу 20 километри од Кано, најголем град во северниот дел од Нигерија, како и во Баучи, во една од 12 провинции во северна Нигерија со мнозинско муслиманско население. Таму пред девет години почна да спроведува шеријатско право, што предизвика судири меѓи муслиманите и припадниците на локалното христијанско малцинство, и оттогаш во судирите се убиени повеќе од илјада лица.Нигерија е составена од вкупно 36 држави и има население од околу 150 милиони, кои речиси по половина се христијани и муслимани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.