Свет
Критично ниво на вселенски отпад во орбитата
Количеството на вселенски отпад што се наоѓа во орбитата околу Земјата достигна критично ниво и се повеќе се заканува на безбедноста на сателитите и астронаутите, се наведува во американската студија објавена во четврток.
Количеството на вселенски отпад што се наоѓа во орбитата околу Земјата достигна критично ниво и се повеќе се заканува на безбедноста на сателитите и астронаутите, се наведува во американската студија објавена во четврток.НАСА мора да прифати нов стратешки план за да се соочи со ризикот што го претставуваат потрошните делови на ракетите, отфрлените сателити и илјадниците други парчиња отпад што кружат во орбитата со брзина од скоро 30 илјади километри на час, објави Националниот истражувачки совет (НРЦ).Количеството отпад дојде до “точка на пресвртница“, поради зголемената можност од судири, што значи дека секој нов судар во орбитата би оставил дополнителен отпад што уште повеќе ќе ја зголеми опасноста од нови судари, објави НРЦ, непрофитно академско здружение што дава совети во однос на научни прашања. Орбиталниот отпад претставува опасност за околу една илјада комерцијални, цивилни и воени сателити што кружат околу Земјата. Станува збор за индустрија која минатата година остварила приход од проценети 168 милијарди долари. Првиот вселенски судир се случил во 2009 година, кога активниот комуникациски сателит Иридиум удрил во стар руски сателит 790 километри над Сибир, со што се создадени илјадници нови парчиња вселенски отпад. Американската мрежа за следење на вселенскиот отпад во декември 2006 имала каталогизирано 9.949 опасни објекти во орбитата, а во јули 2011 се попушани 16.094 објекти. Мрежата ги следи објектите што се поголеми од 10 сантиметри во обем. /крај/хи/мв
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стивен Сигал ги посети жртвите од терористичкиот напад во Москва
Актерот Стивен Сигал ги посети жртвите од терористичкиот напад во градското собрание Крокус во предградието на Москва, соопшти прес-службата на Министерството за здравство на Русија.
Сегал рече дека нападот е „страшна трагедија што не требаше да се случи“.
„Мислам дека Русија ќе послужи како пример и дека светот ќе разбере дека тоа не може да се направи на ниту една нација и да остане неказнето“, рече тој, пренесува РИА Новости.
Свет
Почина Џо Либерман, долгогодишен демократски сенатор во американскиот Конгрес
Џо Либерман, долгогодишен демократски сенатор во американскиот Конгрес од државата Конектикат и поранешен кандидат за потпретседател на САД, почина во средата на 82-годишна возраст.
Семејството на политичарот соопшти дека Либерман починал поради компликации предизвикани од падот, пренесува американскиот портал Политико.
Тој беше првиот еврејски кандидат на гласачкото ливче на големите американски партии, во 2000 година со претседателскиот кандидат Ал Гор.
Едно од неговите најголеми наследства е учеството во формирањето на Министерството за внатрешна безбедност по терористичките напади од 11 септември 2001 година.
Подоцна, во 2004 година, тој неуспешно се обиде да стане претседателски кандидат на Демократската партија, бидејќи демократите го сметаа за „премногу близок со републиканците“, според Политико.
Од политиката се повлече во 2012 година, а последен пат се врати во 2023 година како претставник на организацијата „Без етикети“, која на Американците требаше да им обезбеди трета опција, покрај Републиканската и Демократската партија.
Свет
Дупка од 10 метри голтна автомобили во Рим, полицијата ја затвори улицата
Бездна длабока и широка околу 10 метри проголта два автомобили среде ноќ во Рим, поради што интервенираше полицијата.
Инцидентот се случил околу еден часот по полноќ, а две возила, Дачија и Рено, завршиле во дупка, пренесува Телеграф.
Полицијата веднаш реагирала, ја затворила улицата и го обезбедила просторот, јавуваат италијанските медиуми.
Се уште не се знае зошто се урнал асфалтот.
Не се знае дали има повредени во инцидентот.