Свет
Милитанти киднапираа 30 момчиња во Пакистан
Најмалку 30 пакистански момчиња биле киднапирани од непознати вооружени лица во немирната област во северозападен Пакистан во близина на границата со Авганистан, јавува Press TV.
Најмалку 30 пакистански момчиња биле киднапирани од непознати вооружени лица во немирната област во северозападен Пакистан во близина на границата со Авганистан, јавува Press TV.Инцидентот се случил во северозападнaта област Баџаур, додека момчињата на возраст меѓу 12 и 18 години биле во посета на племенскиот регион по повод крајот на светиот месец Рамазан.Според официјалните извештаи, момчиња биле киднапирани кога по грешка ја минале границата со Авганистан.Според Reuters, пак, станува збор за 40 пакистански момчиња на возраст меѓу 12 и 14 години, а нивното исчезнување во Авганистан се случило во средата. Како што јавува агенцијата пакистанските безбедносни сили дознале денеска од племенските паштунски заедници на кои им припаѓале момчињата кои откако заталкале на другата страна од границата биле заточени од милитантите. Според Reuters, околу 20 деца помлади од десет години, биле веднаш пуштени, а биле задржани момчињата до 14-годишна возраст.Пакистан и Авганистан споделуваат 2.400 километри заедничка граница, каде што се лоцирани прибежишта и бази на милитантите кои се движат наизменично во пограничните области од двете страни.Во меѓувреме, во одделен инцидент, исто така, во петокот неидентификувана група киднапирала најмалку три лица, откако бил нападнат домот на еден од племенските лидери во областа Сафи Тешил во провинцијата Мохманд.Како што јавуваат пакистанските медиуми, безбедносните сили веднаш започнале со пребарување во областите во кои се извршени киднапирањата.И покрај офанзивата на пакистанската влада против про-талибанските милитанти, тие го зголемија нивното влијание и активност во повеќето погранични региони, при што загинаа неколку стотици цивили и припадници на безбедносните сили на Пакистан.Од крајот на 2009 година, во Пакистан е забележен пораст на нападите извршени од страна на исламистичките милитанти, а особено на бомбашките напади./крај/птв/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Драма во Америка: во куќа пронајдени тела на пет лица, меѓу нив и деца
Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.
Получникот Гери Најт од полицијата на државата Оклахома изјави дека загинатите биле семејство и дека починале од насилна смрт, пренесува „Ен-би-си њуз“.
Најт додаде дека полицијата сè уште не може да открие што точно откриле инспекторите.
Полицијата беше испратена во дом на 20-ина милји западно од центарот на Оклахома Сити под сомнение дека таму се наоѓаат телата, рече Најт.
Според него, на сите тела имало повреди, кои изгледале како да се работи за убиство.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година кога изнесуваше 7,5 милијарди швајцарски франци, пренесува „Ројтерс“.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.