Свет
Вооружени напаѓачи убија девет војници во Сирија
Девет лица се убиени, а 17 други се повредени во напад врз воен автобус што го извела вооружена група во близина на западниот сириски град Мхардех, соопштија воени извори.
Девет лица се убиени, а 17 други се повредени во напад врз воен автобус што го извела вооружена група во близина на западниот сириски град Мхардех, соопштија воени извори.Сириски воен претставник денеска изјави дека вооружена терористичка група отворила оган врз воен автобус со кој се вршел транспорт на поголема група офицери и цивилни лица во регионот на градот Мхардех, пренесува официјалната сириска државна агенција Syrian Arab News Agency (SANA).Шест воени лица, меѓу кои и еден офицер и три цивилни лица во служба на сириската армија, се убиени во инцидентот, додека некои од ранетите се здобиле со сериозни повреди.Тројца членови на вооружената група, исто така, загинале а еден бил ранет при размената на оган со сириските безбедносни сили и напаѓачите на блискиот автопат. Голем број разни парчиња оружје, како и бомби и експлозиви оружје, е запленет од страна на сириските безбедносни сили.Протестите во Сирија започна во средината на март во јужниот град Дера’а, а потоа се проширија и во другите региони на земјата. Сириските активисти за човекови права соопштуваат дека бројот на досега загинатите во анти-владините демонстранти убиени во судирите со безбедносните сили и полицијата од средината на март, веќе достигна 2.200 лица, а околу три илјади се водат како исчезнати, покрај илјадниците затворени.Според официјалните власти во Сирија, безредијата ги провоцираат „вооружените терористички елементи од надвор“, кои ги обвинуваат за насилството во земјата во коешто според официјален Дамаск, загинале речиси 500 војници и припадници на безбедносните сили./крај/птв/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.
Свет
Повеќе од 130 лица беа приведени во Њујорк по антиизраелските студентски демонстрации
Повеќе од 130 лица се приведени во текот на ноќта во Њујорк пред просториите на Универзитетот NYU, по пропалестинските студентски демонстрации, соопшти вечерва полицијата.
Њујоршката полиција за Франс прес прецизира дека сите приведени лица, од кои точно 133, потоа биле ослободени.
Полицијата додаде дека добила покана од администрацијата на Универзитетот во Њујорк да интервенира и да ги евакуира демонстрантите.
„Доколку одбијат да заминат, бараме од NYPD да преземе мерки, вклучително и апсење доколку е потребно“, се вели во писмото на Универзитетот до полицијата.
Студентите во САД во последниве денови организираа демонстрации и митинзи за ставање крај на војната во Појасот Газа.
Околу 100 пропалестински студенти веќе беа уапсени минатата недела на Универзитетот Колумбија, исто така во Њујорк. И во тој случај управата на универзитетот побарала интервенција на полицијата.
Неколку јавни личности, вклучително и претставници на американскиот Конгрес, оценија дека тие студентски собири поттикнуваат антисемитизам.
Свет
Хезболах го нападна северниот дел на Израел со беспилотни летала
ЛибанскиХезболах соопшти дека извршил напад со беспилотни летала врз израелските воени бази северно од градот Акра, во најдлабокиот напад на израелска територија од почетокот на војната во Газа.
Израелската војска соопшти дека нема сознанија за некој од нејзините објекти погодени од Хезболах, но претходно соопшти дека пресретнала две „воздушни цели“ во близина на северниот брег на Израел.
Двете страни редовно разменуваат ракетни и воздушни напади од почетокот на војната во Газа минатиот октомври, но се воздржуваат од отворена војна. Сепак, со оглед на честите напади, постојат стравувања дека несреќа или погрешна проценка на која било страна може да доведе до брза ескалација на конфликтот, како и до потенцијално вклучување на други регионални и светски сили, вклучително и САД.
Хезболах вели дека нападот е одмазда за претходниот израелски напад во кој загина еден од нивните борци. Групата објави сателитска снимка со локацијата на нападот на половина пат помеѓу Акра и Нахарија на север. На едно видео е видливо и како израелската воздушна одбрана ги пресретнува беспилотните летала.
Израелската војска соопшти дека нејзините воени авиони одговориле со гаѓање воени цели во областа Маркаб во јужен Либан.
Најмалку две лица загинаа, а уште шест се повредени откако израелски воздушен напад погоди станбена област во јужниот либански град Ханин, објави во вторникот официјалната либанска новинска агенција NNA.