Свет
Либиските востаници добија помош во нападот на Бани-Валид
Силите на либиските востаници добиле засилување и во денеска ќе се обидат да ја преземат контролата врз градот Бани-Валид, едно од последните упоришта на војниците лојални на водачот на либиската Џамахирија, полковникот Моамер ел-Гадафи.
Силите на либиските востаници добиле засилување и во денеска ќе се обидат да ја преземат контролата врз градот Бани-Валид, едно од последните упоришта на војниците лојални на водачот на либиската Џамахирија, полковникот Моамер ел-Гадафи. Оваа информација за Reuters ја потврдил еден од лидерите на Нaционалниот преоден совет (NTC) чие раководство предупреди дека соборениот Гадафи и натаму претставува закана за Либијците.Војниците на Гадафи кои стрелаат со ракети и минофрлачки гранати го запреа напредувањето на локалните борци кои се обидуваат да се пробијат во северните предградија на Бани-Валид., 150 километри југоисточно од либиската престолнина Триполи. Голем број војници во униформи и искусни борци на Советот пристигнаа на помош на соборците кои наидоа на жесток отпор на единиците се уште лојални на соборениот режим. Борбените авиона на НАТО патролираат на небото, откако во саботата извршија неколку воздушни напади. Претходно Алијансата демантираше дека на либиските востаници од пред Бани-Валид им кажала да се повлечат, бидејќи претстојат воздушни удари врз градот. „Во близината на Бани-Валид имаше еден ракетен фрлач кој го уништивме“, изјави за Reuters висок функционер на НАТО. Во денешното официјално соопштение, НАТО потврдува дека погодило еден тенк и две оклопни возила во оваа област./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Сите вмешани во терористичкиот напад во „Крокус сити хол“ кај Москва мора да бидат казнети
Сите поттикнувачи, спонзори и организатори на терористичкиот напад на концертната сала „Крокус“ ,во предградието на Москва, мора да бидат идентификувани и казнети, изјави рускиот претседател Владимир Путин.
„Руските разузнавачки и агенциите за спроведување на законот го истражуваат и испитуваат секој детал од овој грозоморен терористички чин во „Крокус“, идентификувајќи ги сите инволвирани страни, вклучително и поттикнувачите, спонзорите и организаторите. Никој од нив не смее да избега од праведна казна“, нагласи Путин.
Зад терористичките напади во различни делови на светот стојат и радикални групи и разузнавачки служби на одделни земји , кажа рускиот лидер, пренесен од руските медиуми.
„Несомнено, меѓународниот тероризам останува една од најголемите закани на 21 век“, истакна Путин.
.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Свет
Пациентите со задолжително здравствено осигурување во Германија повторно би можеле да плаќаат такса за лекување во ординации
Во борбата против постојано зголемувањето на трошоците за здравствена заштита во Германија економските експерти предлагаат поголемо учество на обврзниците на здравственото осигурување и повторно воведување надоместоци за здравствена заштита, односно лекување во ординациите на општа пракса, пишува магазинот „Феникс“.
Шефот на Одделот за здравствена компетентност при Институтот за економски истражувања во Рајнише Вестфален Лајбниц (РВИ), Борис Аугурски, за „Билд“ изјави дека укинувањето на здравствената такса во лекарските ординации е грешка.
„Наместо таксата за претходна пракса од десет евра од посета на лекар, подобро е, на пример, да земете пет евра од посета на лекар. Исклучок треба да биде земањето рецепти“, рече Аугурски, пренесува магазинот „Феникс“.
Стефан Грес, здравствен економист од Фулда, се залага за значително зголемување на прагот на придонесот.
Постепено треба да се зголеми од сегашните 62.100 евра годишно на 90.600 евра годишно.
„Тоа значи дека компаниите за здравствено осигурување би можеле да заработуваат околу десет милијарди евра повеќе годишно“, изјави Грес за „Билд“.
Од друга страна, економистот од Фрајбург, Бернд Рафелхусен, повикува на здравствени придобивки независно од платата.
– Доколку сакате да платите помала такса, мора да ја зголемите месечната здравствена такса. Компаниите за здравствено осигурување мора да се вклучат за да им помогнат на луѓето кои не заработуваат доволно, рече Бернд Рафелхузен.
Пациентите со задолжително здравствено осигурување во Германија до крајот на 2012 година требаше да плаќаат квартален надоместок од десет евра за лекување и стоматолошки третман. Таксата беше укината во 2013 година.