Свет
Опсадата на Кабул заврши со 14 мртви
Министерството за внатрешни работи на Авганистан соопшти дека опсадата на главниот град Кабул која траеше 19 часа со жестоки судири, заврши со ликвидирање на преостанатите милитанти од страна на безбедносните сили.
Министерството за внатрешни работи на Авганистан соопшти дека опсадата на главниот град Кабул која траеше 19 часа со жестоки судири, заврши со ликвидирање на преостанатите милитанти од страна на безбедносните сили. „Последните напаѓачи се мртви и борбите завршија. Во зградата имаше терористи и сите се мртви“, изјави Сидик Сидики, портпарол на министерството за внатрешни работи за AFP. Официјалниот број загинати во нападите се зголеми на 14, откако Сидики потврди дека за време на судирите кои започнаа во вторникот, се убиени и тројца авганистански полицајци. Претходно, предводените од НАТО Меѓународни безбедносни сили за помош (ИСАФ) соопшти дека 11 Авганистанци, меѓу кои и три деца, ги загубија своите животи во судирите. „Деветнаесет се повредени а 11 убиени, од кои три се деца“, изјави портпаролот на ИСАФ потполковникот Џими Каминг. Тој додаде дека шест американските војници се меѓу ранетите.„Ние, исто така, имаме шест (од составот на ИСАФ) повредени војници во вчерашните операции. Тројца од нив се припадници на контингентот на САД кои беа ангажирани надвор од комплексот на ИСАФ, додека другите тројца беа ранети во операцијата за чистење (на главната зграда)“, додаде Каминг.’Жестоките борби избувнаа меѓу талибанските милитанти и безбедносните сили, откако бунтовниците ги започнаа своите напади врз американската амбасада и седиштето на НАТО во Кабул во вторникот. Директорот на ЦИА, Дејвид Петреус, изјави во вторникот дека „неколку поединци“ влегле во зградата која е во изградба, неколку стотици метри од дипломатската мисија, а потоа отвориле оган и истрелале ракетни гранати врз територијата на амбасадата. Според американските официјални претставници, нема повредени меѓу персоналот на амбасадата. Талибаните ја презедоа одговорноста за нападите, иако авганистански официјални лица ја обвинија терористичката мрежата Хагани, милитантна група, наводно, поврзана со талибаните, но којашто презема акции независно од нив./крај.афп/птв.сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Според Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина, вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја, поради што понекогаш се појавуваат различни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.