Свет
Почина Стив Џобс
Стив Џобс, основачот на Apple и еден од најголемите информатички гении на сите времиња, почина во 56-та година од животот по долготрајна борба со ракот, соопшти рано утринава управата на компанијата.
Стив Џобс, основачот на Apple и еден од најголемите информатички гении на сите времиња, почина во 56-та година од животот по долготрајна борба со ракот, соопшти рано утринава управата на компанијата.Главниот двигател на создавањето на продуктите на Applе – iPhone, iPad, iPod, iMac и iTunes, почина само два дена по премиерата на новиот модел iPhone-S.„Со длабока тага објавуваме дека Стив Џобс почина денеска“, стои во соопштението на Управниот одбор на компанијата кое го пренесува CNN.„Брилијантноста на Стив, сјајот и енергијата се извор на неброени иновации кои ги збогатија и подобрија животите на сите нас. Светот е неизмерно подобар поради Стив. Неговата најголема љубов беше неговата жена Лорен и неговото семејство. Нашите срца се со нив и сите кои беа допрени од неговите извонредни таленти“, се истакнува во соопштението. Преку целата почетна интернет страницата на Apple од рано утринава стои фотографија од работните места и кусиот текст „Стив Џобс 1955-2011“.Во 1976 година Џобс ја основаше компанијата Apple Computer заедно со неговиот пријател од детството Стив Возниак, а продаваа она што се смета за првиот светски персонален компјутер – Apple II.Аналитичарите на индустријата го нарекоа мајсторски иноватор, можеби на ниво на Томас Едисон, бидејќи го измени светот на компјутерите, снимањето на музиката и комуникациите. Во 2004 година Стив Џобс го победи необичниот облик на рак на панкреасот, а во 2009 година беше присилен на трансплатација на црниот дроб. По неколку години здравствената состојба повторно му се влоши, па на 24 август годинава тој отстапи од местото извршен директор на Apple. Џобс зад себе ја остави сопругата Лорен, син и три ќерки, но и многу почитувачи на неговото дело ширум светот кој го сметаа за најголемиот иноватор на денешницата./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украинските власти: Седум лица се повредени во напад со руски дрон во Одеса
Седум лица се повредени, меѓу кои две деца, во напад на руски дрон врз украинското пристаниште Одеса, соопштија украинските власти.
Градоначалникот на Одеса, Генадиј Труханов, изјави дека се оштетени најмалку 14 станови, пренесе агенцијата „Униан“.
Целта на руските беспилотни летала беше и Киев, а шефот на градската управа Серхи Попко изјави дека украинската противвоздушна одбрана соборила неколку беспилотни летала испукани од Русија кон Киев, додавајќи дека нема извештаи за штета или повредени во нападот.
Украинската морнарица соопшти дека се уништени четири руски беспилотни летала над јужниот регион Николаев.
Свет
Зеленски: Ако француските авиони можат да го заштитат небото на Израел, зошто да не и нашето
Украинскиот претседател Володимир Зеленски изјави дека ја очекува посетата на неговиот француски колега Емануел Макрон на Киев за да разговара со него во врска со неколку точки на соработка, особено како најефективно да се зајакне заштитата на украинското небо.
„Ако француските авиони со француски пилоти можат да го заштитат небото на Израел, зошто француските авиони не можат да го заштитат небото на Украина. Но, во секој случај, неопходно е таквите иницијативи да доаѓаат од личноста од која зависи одлуката. И Емануел Макрон сè уште не разговарал за овие точки со мене. Тој вети дека ќе дојде во Киев и тука ќе имаме можност да го направиме тоа“, изјави претседателот на Украина во интервју за познатиот француски медиумски блогер Хуго Травер, на прашањето за можноста за испраќање француски војници во Украина.
Зеленски изјави дека не е во надлежност на украинскиот претседател да ја повика француската армија во Украина.
„Немам право да кажам дека утре француската армија треба да биде во Украина со полна сила и да се бори за нас, едноставно немам право на тоа и затоа никогаш не го покренав ова прашање“, рече тој.
Што се однесува до другите точки на соработка, како што наведе, тие се пред се мисии за обука на воени инструктори од Франција, пренесува Укринформ.
Макрон требаше да ја посети Украина во февруари, но потоа посетата беше одложена, според медиумите, од безбедносни причини. Подоцна, средината на март беше спомната меѓу можните датуми.
Зеленски рече дека е уверен оти ќе се најде формат за разговор со Русија за одлуките што водечките земји во светот ќе ги договорат на Мировниот самит во Швајцарија, кој беше најавен за 15 и 16 јуни.
– Ако по првиот самит заминеме со разбирање дека имаме точки за кои сите се согласуваме… Ако на маса има земји кои навистина сакаат мир и бараат праведен мир од Русија, тогаш документ со нашата визија ќе биде подготвени и ќе дојде моментот кога за тоа ќе се разговара со претставници на непријателот – рече Зеленски.
Според Зеленски, повеќе од 80 земји во светот ќе можат да постигнат договор за најмалку три точки од Формулата за мир.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.