Свет
Оланд и Обри во вториот круг од изборите на француските социјалисти
Умерениот левичарски пратеник Франсоа Оланд води на внатрепартиските избори што во неделата ги одржаа француските социјалисти за да го изберат својот претседателски кандидат
Умерениот левичарски пратеник Франсоа Оланд води на внатрепартиските избори што во неделата ги одржаа француските социјалисти за да го изберат својот претседателски кандидат, со 40 отсто од гласовите, додека на второто место е претседателската на Социјалистичката партија Мартина Обри со 30 отсто по прелиминарното пребројување на повеќе од милион гласови.
Социјалистичката партија на Франција по трите изборни пораза, ги огранизираше овие внатрепартиски избори по урнекот на американските, за да го избере својот претседателски кандидат кој ќе му се спротистави на актуелниот претседател Николас Саркози, на претседателските избори во 2012 година.
На овие отворени предизбори можеше да гласа секој лево ориентиран избирач кој уплати едно евра. На изборите коишто се одржаа во неделата, на повикот на социјалистите на гласачките места излегоа 1,5 милион гласачи.
Социјалистичката партија понуди 10 илјади избирачки места, а ниеден гласач не мораше да мине повеќе од 10 километри до местото на кое ќе гласа.
Доколку резултатите од изборите бидат потврдени, следната недела ќе биде одржан и вториот круг од овие внатрепартиски избори , имајќи предвид дека ниеден од шесте кандидати во првиот круг не освои повеќе од половина од гласовите на излезените избирачи.
Оланд со 40 отсто освоени гласови е фаворит за вкупна победа, а ќе му се спротистави 61-годишната лидерка Обри, градоначалничката на Лил и ќерка на поранешниот претседател на Европската Комисија, Жак Делор, која во првиот круг освои 30 отсто од гласовите.
На трето место со 17 отсто од гласовите го освои 48-годишниот Арно Монтебур, еден од лидерите на француската левица кој се залага за деглобализација – „демондијализација“, облик на европскиот протекционизам кој има цел да го запре слабеењето на индустријата во Франција.
Сеголен Ројал којашто како кандидат на социјалистите во 2007 година беше поразена од Саркози, оствари многу лош резултат, околу 7 отсто и е пред Мануел Валис претставник на десното крило на социјалистите кој освои пет отсто од гласовите./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.